ବୌଦ୍ଧ,୯/୧୨ – ଆଜି ବଢିଗାଁ ସେବା ସମବାୟ ସମିତି ତରଫରୁ ସମିତି ପରିସରରେ ଖରିଫ ଧାନ କ୍ରୟ କେନ୍ଦ୍ରର ଶୁଭାରମ୍ଭ କରାଯାଇଥିବା ଜଣାପଡିଛି l ବୌଦ୍ଧ ସର୍କଲ ସମବାୟ ସମିତି ସମୂହର ସହକାରୀ ନିବନ୍ଧକ ଭୀମସେନ ସାହୁ ନଡିଆ ବାଡେଇ ଧାନ କ୍ରୟର ଶୁଭାରମ୍ଭ କରିଥିଲେ | ସମବାୟ ସମିତିର ପ୍ରଶାସକ ଦାୟିତ୍ବରେ ଥିବା ଏସ.ଆର.ସି.ଏସ. ଅଶୋକ କୁମାର ସାହୁ, ସମ୍ପାଦକ ଶିରିଶ କୁମାର୍ ବେହେରା, ସହ ସମ୍ପାଦକ ପ୍ରଫୁଲ୍ଲ କୁମାର ପଟନାୟକ, ଡାଟା ଏଣ୍ଟ୍ରି ଅପରେଟର ଦୀପ୍ତି ରଞ୍ଜନ ନାୟକ, କର୍ମଚାରୀ ଅକ୍ଷୟ କୁମାର ସାହୁଙ୍କ ସମେତ ମଣ୍ଡି କମିଟିର ସଦସ୍ୟ ଓ ଚାଷୀ ମାନେ ଉପସ୍ଥିତ ଥିଲେ l ଟୋକନ ପାଇଥିବା ଚାଷୀ ମାନଙ୍କ ଠାରୁ ଆସନ୍ତା ମାର୍ଚ୍ଚ ମାସ ଶେଷ ପର୍ଯ୍ୟନ୍ତ କ୍ରମାନ୍ୱୟରେ ଧାନ କ୍ରୟ କରାଯିବ ବୋଲି ସୂଚନା ମିଳିଛି l