ବୌଦ୍ଧ : ଗତ ରାତିରେ ଜାତୀୟ ରାଜପଥ ନଂ ୫୭ର ଚାରିଛକ ଫରେଷ୍ଟ ଗେଟ୍ ନିକଟରେ ଏକ ଅଜଣା ଗାଡି ଚଢିଯିବାରୁ ରାସ୍ତା ଉପରେ ଶୋଇଥିବା ୪ଗୋଟି ଗୋରୁଙ୍କ ଜୀବନ ଚାଲିଯାଇଛି । ବର୍ଷାଦିନ ହୋଇଥିବାରୁ ଗୋରୁମାନେ ଜାତୀୟ ରାଜପଥ ଉପରେ ବିଶ୍ରାମ ନେଉଛନ୍ତି । ଗୋରୁମାଲିକମାନେ ସେମାନଙ୍କର ଯତ୍ନ ନନେଇ ସର୍ବସାଧାରଣରେ ଛାଡି ଦେଉଥିବାରୁ ରାସ୍ତା ଉପରେ ଶୋଇଥିବା ଗୋରୁମାନଙ୍କ ଦୁର୍ଘଟଣାରେ ମୃତ୍ୟୁ ହେଉଛି । କେବଳ ଚାରିଛକ ନୁହେଁ ଜିଲ୍ଲାର ବିଭିନ୍ନ ରାଜ୍ୟ ରାଜପଥ ଓ ଜାତୀୟ ରାଜପଥରେ ଏଭଳି ଦୃଶ୍ୟ ଦେଖିବାକୁ ମିଳୁଛି । ସ୍ଥାନୀୟ ପ୍ରଶାସନ ଗୋରୁମାଲିକମାନଙ୍କୁ ତାଗିଦ କଲେ ଗାଈଗୋରୁଙ୍କ ରାସ୍ତା ଉପରେ ଖୋଲା ବିଚରଣକୁ ରୋକାଯାଇପାରିବ ବୋଲି ଜନସାଧାରଣରେ ଦାବି ହେଉଛି ।