ମୁଣ୍ଡିପଦର ଗ୍ରାମରେ ସରସ୍ୱତୀ ପୂଜା

ବୌଦ୍ଧ,୧୬/୨ – ବୌଦ୍ଧ ବ୍ଲକ୍ ମୁଣ୍ଡିପଦର ଗ୍ରାମରେ ସରସ୍ୱତୀ ପୂଜା କମିଟି ତରଫରୁ ପବିତ୍ର ଶ୍ରୀ ପଞ୍ଚମୀ ଅବସରରେ ବାଗ୍ ଦେବୀ ମା ସରସ୍ୱତୀ ଦେବୀଙ୍କ ମୃଣ୍ମୟୀ ମୂର୍ତ୍ତି ପୂଜା ଅନୁଷ୍ଠିତ ହୋଇ ଯାଇଛି | ଗ୍ରାମବାସୀଙ୍କ ସହଯୋଗ କ୍ରମେ ଦୀର୍ଘ 16 ବର୍ଷ ଧରି ଗ୍ରାମରେ ମା ବୀଣାପାଣି ଦେବୀଙ୍କ ପୂଜା ମହାସମାରୋହରେ ଅନୁଷ୍ଠିତ ହୋଇ ଆସୁଥିବା ଜଣା ପଡିଛି l ଆଜି ଓ ଆସନ୍ତାକାଲି ଦୁଇ ଦିନ ଧରି ପୂଜାର୍ଚ୍ଚନା କରାଯିବା ପରେ ତୃତୀୟ ଦିନରେ ମା ସରସ୍ୱତୀଙ୍କ ମୂର୍ତ୍ତି ବିସର୍ଜନ କରାଯିବ ବୋଲି ପୂଜା କମିଟି ତରଫରୁ ସୁଚନା ମିଳିଛି l