ବୌଦ୍ଧ,୧୧/୧ – କଣ୍ଟାମାଳ ବ୍ଲକ ବନ୍ଧଗୋରା ଶିବ ମନ୍ଦିର ନିକଟରେ ଖଡ଼ଙ୍ଗ ଲୋକ ମହୋତ୍ସବ ପ୍ରତିଷ୍ଠା ଦିବସ ଅବସରରେ ମହୋତ୍ସବ କମିଟି ଓ ଓଡିଶା : ମୋ ପରିବାର ଆନୁକୁଲ୍ୟରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି | ଏ ଅବସରରେ ମୁଖ୍ୟ ଅତିଥି ଭାବରେ କଣ୍ଟାମାଳ ବିଧାୟକ ମହୀଧର ରଣା, ସମ୍ମାନିତ ଅତିଥି ଜିଲ୍ଲା ବିଜୁ ଜନତା ଦଳ ପର୍ଯ୍ୟବେକ୍ଷକଙ୍କ ପ୍ରତିନିଧି ଦେବାଶିଷ ପାତ୍ର ଯୋଗଦେଇ ଥିଲେ l ବିଜୁ ଜନତା ଦଳ କଣ୍ଟାମାଳ ନିର୍ବାଚନ ମଣ୍ଡଳୀ ଓ ଖଡ଼ଙ୍ଗ ଲୋକ ମହୋତ୍ସବ କମିଟି ର କର୍ମକର୍ତ୍ତା ଉପସ୍ଥିତ ଥିଲେ l ଜିଲ୍ଲା ସାଧାରଣ ସମ୍ପାଦକ ପ୍ରଶାନ୍ତ କୁମାର ରଣା ଏବଂ ଖଡଙ୍ଗ କମିଟି ର ସଭାପତି ମନୋଜ ଦାସ ଶିବିର ଆୟୋଜନ ରେ ସହାୟତା କରିଥିଲେ | ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀ ଆଧ୍ୟାତ୍ମିକ,ଜନକଲ୍ୟାଣ,ଗୋସେବା ପରିଷଦର ଅଧ୍ୟକ୍ଷ ବ୍ରହ୍ମଚାରୀ ମାଧବ ଚୈତନ୍ୟ ମହାରାଜ ତାଙ୍କର 36 ତମ ରକ୍ତଦାନ କରିଥିବା ବେଳେ ପ୍ରଶାନ୍ତ କୁମାର ରଣା ପଞ୍ଚମ ଥର ପାଇଁ ରକ୍ତଦାନ କରିଥିଲେ | ସର୍ବମୋଟ 41 ଜଣ ରକ୍ତଦାତା ରକ୍ତଦାନ କରିଥିଲେ ଓ ଆୟୋଜକଙ୍କ ତରଫରୁ ସମସ୍ତ ରକ୍ତଦାତା ମାନଙ୍କୁ ଦୁଇ ଗୋଟି ଲେଖାଏଁ ଲେମ୍ବୁ ଓ ଆମ୍ବ ଚାରା ଉପହାର ସ୍ବରୂପ ପ୍ରଦାନ କରାଯାଇଥିଲା |