ଦାରିଙ୍ଗବାଡ଼ି୧/୧୧, :ଜୁଆ ଆଡ୍ଡା ରେ ଚଢ଼ାଉ ପାଇଁ ଯାଇଥିବା ପୁଲିସ ଟିମ ଉପରେ ଲୋକଙ୍କ ଆକ୍ରମଣ ଫଳରେ ଥାନା ଅଧିକାରୀ ଗୁରୁତର ଆହତ ହୋଇଥିବା ବେଳେ ଅନ୍ୟ ପୁଲିସ କର୍ମଚାରୀ ମାନେ ଆହତ ହୋଇ ଅଳ୍ପକେ ବର୍ତ୍ତି ଯାଇଛନ୍ତି l ଏହିଭଳି ଅଭାବନୀୟ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ ବ୍ରାହ୍ମଣୀଗାଁ ଥାନା ଅଞ୍ଚଳରେ। ଲୋକଙ୍କ ସଙ୍ଗବଦ୍ଧ ଆକ୍ରମଣରେ ଗୁରୁତର ହୋଇଛନ୍ତି ବ୍ରାହ୍ମଣୀଗାଁ ଥାନାର ଭାରପ୍ରାପ୍ତ ଥାନା ଅଧିକାରୀ ରଞ୍ଜିତ କୁମାର ମୁନି l ଗତକାଲି କୁମାର ପୂର୍ଣ୍ଣିମା ଥିବାରୁ ବଡ଼ ଧରଣର ଜୁଆ ଆଡ୍ଡା ଚାଲିଥିବା ଖବର ପାଇ ରାତିରେ ବ୍ରାହ୍ମଣୀଗାଁ ଥାନା ଅଧିକାରୀ ରଞ୍ଜିତ କୁମାର ମୁନି ମେରାମାହା ଅଞ୍ଚଳରେ ଜୁଆ ଆଡ୍ଡା ଚାଲିଥିବା ନେଇ ବିଶ୍ୱସ୍ଥ ସୂତ୍ରରୁ ଖବର ପାଇ ସେହି ଅଞ୍ଚଳକୁ ସଦଳବଳେ ପାଟ୍ରୋଲିଂ ରେ ଯାଇଥିଲେ ତେବେ ପୁଲିସ ଆସିବା ଜାଣି ପାରି ଜୁଆଡ଼ି ମାନେ ଖସି ଯାଇଥିଲେ l ତେବେ ପୁଲିସ ପେଟ୍ରୋଲିଂ କରି ଫେରିବା ସମୟରେ ଗ୍ରାମବାସୀମାନେ ରାସ୍ତା ଉପରେ କାଠ ଗଣ୍ଡି ଓ ପଥର ରଖି ରାସ୍ତା ଅବରୋଧ କରିଥିଲେ l ଥାନା ଅଧିକାରୀ ଓ ଅନ୍ୟ କର୍ମଚାରୀ ମାନେ ସେଠାରେ ପହଞ୍ଚିବା ପରେ ରାସ୍ତାରୁ ପଥର ଓ କାଠ ଗଣ୍ଡି ହଟାଇବାକୁ ଗାଡ଼ି ରୁ ବାହାରକୁ ବାହାରିବା ମାତ୍ରେ ଗ୍ରାମବାସୀ ମାନେ ପୁଲିସ ଟିମ ଉପରେ ଆକ୍ରମଣ କରିଥିଲେ l ଆକ୍ରମଣରେ ଥାନା ଅଧିକାରୀ ଗୁରୁତର ଆହତ ହୋଇଥିବା ବେଳେ ପୁଲିସ ଗାଡ଼ି କୁ ପଥର ମାରି ଆକ୍ରମଣକାରୀମାନେ ଭାଙ୍ଗିଦେଇ ଥିଲେ l ଲୋକଙ୍କ ଆକ୍ରମଣ ରେ ଥାନା ଅଧିକାରୀ ଗୁରୁତର ଆହତ ହୋଇଥିବା ବେଳେ ଘଟଣା ସ୍ଥଳରୁ ବ୍ରାହ୍ମଣୀଗାଁ ଥାନା ର ଦୂରତା ପ୍ରାୟ ୫ କିଲୋମିଟର ବାଟ ହୋଇଥିବା ବେଳେ ଅଧା ବାଟ ଅଟୋରେ ଓ ଅଧାବାଟ ପୋଲିସର ଅନ୍ୟ ଏକ ଗାଡିରେ ରାତି ୧୨ ଟା ସମୟରେ ଥାନା ଅଧିକାରୀ ସମେତ ଅନ୍ୟ କର୍ମଚାରୀ ମାନେ ଥାନାରେ ପହଞ୍ଚିଥିଲେ । ଆଜି ସକାଳୁ ବାଲିଗୁଡ଼ା ଉପଖଣ୍ଡ ଆରକ୍ଷୀ ଅଧୀକ୍ଷକ ମାନସ ରଞ୍ଜନ ବାରିକ ଦାରିଙ୍ଗବାଡ଼ି ଥାନା ଅଧିକାରୀ କୌଶିକ ମାଝୀ ଙ୍କ ସମେତ ୨ପ୍ଲାଟୁନ ପୁଲିସ ଫୋର୍ସ ଘଟଣା ସ୍ଥଳରେ ପହଞ୍ଚି ମେରା ମାହା ଗ୍ରାମରେ ଫ୍ଲାଗମାର୍ଚ୍ଚ କରିବା ସହିତ ପୁଲିସ ଗାଡ଼ି ଟିକୁ ଉଦ୍ଧାର କରିଥିଲେ l ଏନେଇ ବ୍ରାହ୍ମଣୀଗାଁ ଥାନା ରେ କେସନଂ ୮୯/୨୦ରେ ମାମଲା ରୁଜୁ କରି ଥିବା ବେଳେ ୪ ଜଣ ମହିଳାଙ୍କ ସମେତ ୬ ଜଣ କୁ ପୋଲିସ ଗିରଫ କରିଥିବା ନେଇ ତଦନ୍ତକାରୀ ଅଧିକାରୀ ସଂଗ୍ରାମ କେଶରୀ ଜେନା ସୂଚନା ଦେଇଛନ୍ତି । ଗିରଫ ୬ ଜଣ ହେଲେ ମେରାମାହା ଗ୍ରାମର ହାଡ଼ି ବିଶୋଇ,ତିଲତମା ବିଶୋଇ,ଭବାନୀ ବିଶୋଇ,କନ୍ଧୁଣି ବିଶୋଇ,ମହେଶ୍ୱର ବିଶୋଇ, ଦଶରଥ ବିଶୋଇ । ସୂଚନା ପ୍ରକାରେ ମେରାମାହା ଅଂଚଳରେ ଜୁଆ ଖେଳ ଚାଲୁଥିବା ନେଇ ତଥା ଅଂଚଳରେ ଅସାମାଜିକ ବ୍ୟକ୍ତିଙ୍କ କାର୍ଯ୍ୟକଳାପ କୁ ରୋକିବା ପାଇଁ ବ୍ରାହ୍ମଣୀଗାଁ ପୋଲିସ ପକ୍ଷରୁ ଶନିବାର ରାତି ୧୦ ସମୟରେ ମେରାମାହା ଅଂଚଳରେ ଭାରପ୍ରାପ୍ତ ଥାନା ଅଧିକାରୀ ରଞ୍ଜିତ କୁମାର ମୁନି ଙ୍କ ନେତୃତ୍ୱ କ୍ରମେ ପେଟ୍ରୋଲିଂ କରାଯାଉଥିଲା । ତେବେ ପେଟ୍ରୋଲିଂ ସମୟରେ ମେରାମାହା ଗାଁ ନିକଟରେ ପୋଲିସ ଗାଡିକୁ ପଥର ମାରିବା ସହ ଅଧିକାରୀ ରଞ୍ଜିତ କୁମାର ମୁନିଙ୍କୁ ଆଖିମୁଜା ମାଡମାରିଥିଲେ ଦୁର୍ବୁତ୍ତ । ଘଟଣା ପରେ ବାଲିଗୁଡା ଏସଡିପିଓ ମାନସ ରଞ୍ଜନ ବାରିକ,ଦାରିଙ୍ଗବାଡ଼ି ଥାନା ଅଧିକାରୀ କୌଶିକ ମାଝୀ ଙ୍କ ସମେତ ପୋଲିସ ଫୋର୍ସ ଓ ବ୍ରାହ୍ମଣୀଗାଁ ପୋଲିସ ରବିବାର ଦିନ ସକାଳେ ପହଂଚି ଘଟଣାର ଅନୁଧ୍ୟାନ କରି ୬ ଜଣ କୁ ଗିରଫ କରି ପୋଲିସ ଗାଡି କୁ ଉଦ୍ଧାର କରିଥିଲେ । ବର୍ତମାନ ୬ ଜଣ ଗିରଫ ହୋଇଥିବା ବେଳେ ଘଟଣାର ଅଧିକ ତଦନ୍ତ କରାଯାଉଥିବା ତଦନ୍ତକାରି ଅଧିକାରୀ ସଂଗ୍ରାମ କେଶରୀ ଜେନା ସୂଚନା ଦେଇଛନ୍ତି ।ଅନ୍ୟ ପକ୍ଷରେ ପୋଲିସ ଅନ୍ୟ କିଛି ଲୋକଙ୍କୁ ଖୋଜିବାକୁ ସେହି ଗ୍ରାମକୁ ଯାଇଥିବାରୁ ଲୋକମାନେ ଭୟରେ ଗାଁ ଛାଡି ନିକଟ ପାଖ ଏକ ନିଛାଟିଆ ପାହାଡ ପାଖକୁ ଯାଇ ରହିଥିବା ଦେଖିବାକୁ ମିଳିଛି । ପୁଲିସ ମେରାମାହା ଗ୍ରାମର ୬ ଜଣ ଲୋକଙ୍କୁ ଗିରଫ କରିଥିବା ବେଳେ ଗିରଫ ଭୟରେ ଗ୍ରାମଟି ବର୍ତ୍ତମାନ ପୁରୁଷ ଶୂନ୍ୟ ହୋଇଯାଇଛି l ବର୍ତ୍ତମାନ ସେହି ଅଞ୍ଚଳରେ କୋକୁଆ ଭୟ ଦେଖାଦେଇଛି।