ବୌଦ୍ଧ/ବାଉଁଶୁଣି,୭/୧୦- ଦହ୍ୟା ନୋଡlଲ୍ ଉଚ୍ଚ ବିଦ୍ୟାଳୟର ଶିକ୍ଷକ ବିଜୟ କୁମାର ଡାକୁଆ ଗତ ଅପ୍ରେଲ୍ ମାସରେ ଅବସର ଗ୍ରହଣ କରିଥିଲେ | କୋଭିଡ କଟକଣା ଯୋଗୁଁ ତାଙ୍କୁ ଅବସର କାଳୀନ ସମ୍ବର୍ଦ୍ଧନା କରାଯାଇପାରିନଥିଲା l ଗତକାଲି ବିଦ୍ୟାଳୟ ପରିସରରେ ଏକ ସ୍ୱତନ୍ତ୍ର ଉତ୍ସବରେ ଶ୍ରୀ ଡାକୁଆଙ୍କୁ ଅବସର କାଳୀନ ସମ୍ବର୍ଦ୍ଧନା ପ୍ରଦାନ କରାଯାଇଛି | ମହେଶ୍ୱର ପିଣ୍ଡା ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ବଳରାମ ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଦହ୍ୟା ନୋଡlଲ୍ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଦଶରଥ ମେହେର ଯୋଗ ଦେଇଥିଲେ | କାର୍ଯ୍ୟକ୍ରମ ଆୟୋଜନ ରେ ଦହ୍ୟା ସି. ଆର. ସି. ସି. କାନ୍ହୂ ଚରଣ ସେଠୀ ପ୍ରମୁଖ ଭୂମିକା ନିର୍ବାହ କରିଥିବା ବେଳେ ମଂଚ ପରିଚାଳନା କରିଥିଲେ ବିଷ୍ଣୁ ପ୍ରସାଦ ତ୍ରିପାଠୀ l ଶେଷରେ ଧନ୍ୟବାଦ ଅର୍ପଣ କରିଥିଲେ ଚକ୍ରଧର ମେହେର l