ନୂଆଦିଲ୍ଲୀ : ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମନ୍ତ୍ରୀମଣ୍ଡଳର ସମ୍ପ୍ରସାରଣ କରିବେ । ସଂଧ୍ୟା ୬ଟାରେ ମନ୍ତ୍ରୀମଣ୍ଡଳ ସମ୍ପ୍ରସାରଣ କରାଯିବ ବୋଲି ଜଣାପଡ଼ିଛି । ଏହା ପୂର୍ବରୁ ଓଡିଶାରୁ ପ୍ରତିନିଧିତ୍ୱ କରୁଥିବା ବାଲେଶ୍ୱର ସାଂସଦ ତଥା ଏମ୍ଏସ୍ଏ୍ଇ ଓ ପଶୁ ସଂପଦ ବିଭାଗର କେନ୍ଦ୍ର ମନ୍ତ୍ରୀ ମୋଦିଙ୍କ ମନ୍ତ୍ରିମଣ୍ଡଳରୁ ଇସ୍ତଫା ଦେଇଛନ୍ତି । ପ୍ରତାପ ଷଡଙ୍ଗୀ ପ୍ରଥମ ଥର ସାଂସଦ ହୋଇ କେନ୍ଦ୍ର ମନ୍ତ୍ରିମଣ୍ଡଳରେ ସାମିଲ ହୋଇଥିଲେ । ସେହି ସମୟରେ ରାଜ୍ୟରେ ତାଙ୍କୁ ନେଇ ବହୁ ଆଲୋଚନା ହେଉଥିଲା । ତାଙ୍କୁ ସୋସିଆଲ ମିଡିଆରେ ଓଡିଶାର ମୋଦି ବୋଲି ମଧ୍ୟ ବିବେଚନା କରାଯାଉଥିଲା । ସୂଚନାଯୋଗ୍ୟ ଯେ, ମୋଦିଙ୍କ ନୂଆ କ୍ୟାବିନେଟରେ ଦୁଇଜଣ ଓଡିଆ ସାମିଲ ହେବେ ବୋଲି ସ୍ପଷ୍ଟ ହୋଇଛି । ନୂଆ ମନ୍ତ୍ରୀ ଭାବେ ଶପଥ ନେବାକୁ ଯାଉଥିବା ଦୁଇ ଓଡିଆ ସାଂସଦ ହେଲେ ବିଶେଶ୍ୱର ଟୁଡୁ ଓ ରାଜ୍ୟସଭା ସାଂସଦ ଅଶ୍ୱନୀ ବୈଷ୍ଣବ ।