ଫୁଲବାଣୀ,୧୬/୮ – ଆଜି କନ୍ଧମାଳ ଜିଲ୍ଲା ବିଜେପି କାର୍ଯ୍ୟାଳୟରେ ଭାରତ ର ପୂର୍ବତନ ପ୍ରଧାନମନ୍ତ୍ରୀ ତଥା ଭାରତ ରତ୍ନ ଶ୍ରୀ ଅଟଳ ବିହାରୀ ବାଜପେୟୀଙ୍କ ଦ୍ଵିତୀୟ ଶ୍ରାଦ୍ଧ ବାର୍ଷିକୀ ଅବସରରେ ତାଙ୍କ ବିଗ୍ରହ ରେ ପୁଷ୍ପ ମାଲ୍ୟାର୍ପଣ ପରେ ବିଜେପି ଯୁବ ମୋର୍ଚ୍ଚା ଫୁଲବାଣୀ ପକ୍ଷରୁ ସ୍ଥାନୀୟ ବ୍ରାହ୍ମଣ ଦେବୀ ମନ୍ଦିର ପରିସରରେ ଚନ୍ଦନ, ଲିମ୍ବ, ବାଉଁଶ, ଅଁଳା ପ୍ରଭୃତି ବୃକ୍ଷ ରୋପଣ କରାଯାଇଥିଲା।ଏହି କାର୍ଯ୍ୟକ୍ରମ ରେ ବିଜେପି ଯୁବ ମୋର୍ଚ୍ଚାର ସାଧାରଣ ସମ୍ପାଦକ ସୁଧାଂଶୁ ଗୁରୁ,ବଳରାମ ପାତ୍ର, ସୁଧାଂଶୁ ବାଘ,ଅମୋଜ ପାତ୍ର, ଜଗନ୍ନାଥ ସାହୁ ପ୍ରମୁଖ ଉପସ୍ଥିତ ଥିଲେ।ସେହିପରି ବାଲିଗୁଡା ଠାରେ ବିଜେପିର କନ୍ଧମାଳ ଜିଲ୍ଲା ସଭାପତି ଜଗନ୍ନାଥ ସାହୁଙ୍କ ନେତୃତ୍ୱରେ ବାଲିଗୁଡା ଉପଖଣ୍ଡ ର ବିଭିନ୍ନ ପଞ୍ଚୟତରେ ବୃକ୍ଷ ରୋପଣ କରାଯାଇଛି।