ବୌଦ୍ଧ – ମନମୁଣ୍ଡା – କଣ୍ଟାମାଳ ରାସ୍ତାର ଜାଲପାଲି ଛକ ନିକଟରେ ଗୋଟିଏ ବାଇକକୁ ଅନ୍ୟ ଏକ ବାଇକ ପଛ ପାଖରୁ ଧକ୍କା ଦେବାରୁ ଦୁର୍ଘଟଣା ଘଟି ବାପ ଝିଅ ଗୁରୁତର ଆହତ ହୋଇଥିବା ଜଣାପଡିଛି l ମିଳିଥିବା ସୂଚନା ଅନୁଯାୟୀ ରବିବାର ଅପରାନ୍ହ ପ୍ରାୟ 3 ଘଣ୍ଟା ସମୟରେ ଶିମିଳିପଦର ଗ୍ରାମର ସୁଶାନ୍ତ ମିଶ୍ର (43 ବର୍ଷ ) ଓ ତାଙ୍କ ଝିଅ ନିହାରୀକା (17 ବର୍ଷ ) ବାଇକ ଯୋଗେ ମନମୁଣ୍ଡା ପଟକୁ ଆସୁଥିବା ବେଳେ ପଛ ପଟୁ ଏକ ବାଇକରେ ଆସୁଥିବା ଗୁଡଭେଲିପଦର୍ ଗ୍ରାମ ପଂଚାୟତ ସିଲେଇଟପଡା ଗ୍ରାମର ବନମାଳୀ ଅଦାବରଙ୍କ ବାଇକ ସହ ଧକ୍କା ହେବାରୁ ଦୁର୍ଘଟଣା ହୋଇଥିଲା | ଫଳରେ ସୁଶାନ୍ତଙ୍କ ଡାହାଣ ଗୋଡ ପାଦରେ ଗଭୀର କ୍ଷତ ହେବା ସହ ବାଇକର ପଛରେ ବସିଥିବା ଝିଅର ମୁଣ୍ଡ ଫାଟି ଯାଇଥିଲା l ସେହିପରି ଅନ୍ୟ ବାଇକ ଚାଳକ ବନମାଳୀ ମଧ୍ୟ ଡାହାଣ ଗୋଡରେ ସାମାନ୍ୟ ଆହତ ହୋଇଥିଲେ l ଗୁରୁତର ଆହତ ସୁଶାନ୍ତ ସେଠାରେ ଅନେକ ସମୟ ଧରି ଅଚେତ ଅବସ୍ଥାରେ ପଡି ରହିଥିଲେ l ସ୍ଥାନୀୟ ଲୋକେ ଆମ୍ବୁଲାନସ୍ କୁ ଫୋନ୍ କରିଥିଲେ ମଧ୍ୟ ଆମ୍ବୁଲାନସ୍ ପହଂଚି ନଥିବାରୁ ଏକ ଅଟୋ ଯୋଗେ ଆହତଙ୍କୁ ସୋନପୁର ଡାକ୍ତରଖାନା ନିଆ ଯାଇଥିଲା l ପ୍ରାଥମିକ ଚିକିତ୍ସା ପରେ ଉଭୟ ବାପ ଝିଅଙ୍କୁ ବୁର୍ଲା ଡାକ୍ତରଖାନାକୁ ନିଆଯାଇଥିବା ଜଣାପଡିଛି l