ବୌଦ୍ଧ,୮/୩- ବୌଦ୍ଧଜିଲ୍ଲା କଣ୍ଟାମାଳ ବ୍ଲକ ଲମ୍ବସରୀ ଗ୍ରାମ ପଞ୍ଚାୟତ ଅରଖ ପଦର ଗ୍ରାମର ଆଜି ମଧ୍ୟାନ୍ହରେ ଅଗ୍ନିକାଣ୍ଡ ଘଟି ଗୋଟିଏ ପରିବାରର ଦୁଇ ବଖରା ଘର ଜଳି ପୋଡି ଭସ୍ମୀଭୂତ ହୋଇ ଯାଇଛି | ମିଳିଥିବା ସୂଚନା ଅନୁଯାୟୀ ଆଜି ଲମ୍ବସରୀ ଗ୍ରାମ ପଞ୍ଚାୟତ ଅରଖ ପଦର ଗ୍ରାମର ସଦାଶିବ ମହାନନ୍ଦିଆ ସପରିବାର ଏକ ସମ୍ପର୍କୀୟ ଲୋକଙ୍କ ବିବାହ ଉତ୍ସବ ରେ ଯୋଗଦାନ କରିବାକୁ ଯାଇଥିଲେ l ମଧ୍ୟାନ୍ହ ସମୟରେ ତାଙ୍କ ଘରେ ଆକସ୍ମିକ ଅଗ୍ନିକାଣ୍ଡ ଘଟି ଘରର ଆସବାବପତ୍ର, ଖାଦ୍ୟ ଶସ୍ୟ,ଲୁଗାପଟl, ବାସନ କୁସନ ଓ ସମସ୍ତ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ପୋଡି ଭସ୍ମୀଭୂତ ହୋଇ ଯାଇଛି | ସାହି ପଡ଼ିଶା ଲୋକ ନିଆଁକୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ l କଣ୍ଟାମାଳ ଦମକଳ ବାହିନୀକୁ ଖବର୍ ଦିଆ ଯାଇଥିଲେ ମଧ୍ୟ କୌଣସି କାରଣରୁ ପହଂଚି ପାରିନଥିବା ଜଣାପଡିଛି l ସଦାଶିବ ଜଣେ ଗରୀବ ହରିଜନ ପରିବାରର ହୋଇ ଥିବା ଯୋଗୁଁ ତାଙ୍କୁ ଅଗ୍ନି ବିପନ୍ନ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବୀ କରିଛନ୍ତି |