ଭଙ୍ଗା ନଳକୂପ ମରାମତି ପାଇଁ ଦାବୀ

ବୌଦ୍ଧ,୩/୧୧ – କଣ୍ଟାମାଳ ବ୍ଲକ୍ ଦପଲା ଗ୍ରାମ ପଂଚାୟତ ଚନ୍ଦନିଆ ମୁଣ୍ଡା ଗ୍ରାମରେ ଥିବା ଗୋଟିଏ ନଳକୂପ ଦୀର୍ଘ 6 ମାସ ହେଲା ଅଚଳ ହୋଇ ପଡିଛି l ମରାମତି ପାଇଁ ଗ୍ରାମବାସୀ ଅଭିଯୋଗ କରୁଥିଲେ ମଧ୍ୟ ତାର ମରାମତି ପାଇଁ ପଂଚାୟତରାଜ ଓ ଗ୍ରାମ୍ୟ ପାନୀୟ ଜଳ ଯୋଗାଣ ବିଭାଗ ସେ ଦିଗରେ ପଦକ୍ଷେପ ନେଉ ନଥିବା ଗ୍ରାମବାସୀ ଅଭିଯୋଗ କରିଛନ୍ତି | ନଳକୂପର ତଳ ଅଂଶ କଳଂକି ଖାଇ ପୋଲା ହୋଇ ଯାଇଥିବା ଯୋଗୁଁ ଏହାର ସ୍ବତନ୍ତ୍ର ମରାମତି କରାଯିବାକୁ ଗ୍ରାମବାସୀ ଦାବୀ କରିଛନ୍ତି | ପାନୀୟ ଜଳ ପାଇଁ ଲୋକେ ଅକଥନୀୟ ଦୁର୍ଦ୍ଦଶା ଭୋଗ କରୁଥିବା ଦେଖିବାକୁ ମିଳୁଛି l