ବୌଦ୍ଧ,୧୫/୧୦- ବୌଦ୍ଧଜିଲ୍ଲାର ସ୍ବେଚ୍ଛାସେବୀ ଅନୁଷ୍ଠାନ ପଲ୍ଲୀ ବିକାଶ ପରିଷଦ ତରଫରୁ ବିଶ୍ବ ହାତ ଧୁଆ ଦିବସ ବଘିଆପଡା ଗ୍ରାମ ପଞ୍ଚାୟତ ଅନ୍ତର୍ଗତ ମାଝିସାହି ଗ୍ରାମରେ ପାଳିତ ହୋଇଛି । ଏହି କାର୍ଯ୍ୟକ୍ରମ ରେ ମାଝିସାହି ଗ୍ରାମର ଆଶା କର୍ମୀ ମାଳତୀ ଦେହୁରୀ ଅଙ୍ଗନବାଡି କର୍ମୀ ମମିତା ନାଏକ ଯୋଗ ଦେଇଥିଲେ । ଅନୁଷ୍ଠାନ ର କାର୍ଯ୍ୟ ନିର୍ବାହୀ ସମ୍ପାଦକ ପ୍ରଫୁଲ୍ଲ କୁମାର ଦୀପ କରୋନା ମହାମାରୀ ରୁ ମୁକ୍ତି ପାଇବା ପାଇଁ ହାତ ଧୁଆ ର ଆବଶ୍ୟକତା ଉପରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ଗ୍ରାମର ମା ମହେଶ୍ଵରୀ ସ୍ୱୟଂ ସହାୟକ ଦଳର ମହିଳା, ପୁରୁଷ, ଯୁବକ, ଶିଶୁ ଓ ପଲ୍ଲୀ ବିକାଶ ପରିଷଦର ଚତୁର୍ଭୁଜ ପ୍ରଧାନ, ସୁଶାନ୍ତ ପାତ୍ର, ଚନ୍ଦନ ବେହେରା,ସୌମ୍ୟ ରଞ୍ଜନ ଦୀପ , ଚିତ୍ତ ରଞ୍ଜନ ବେହେରା ପ୍ରମୁଖ ଅଂଶ ଗ୍ରହଣ କରିଥିଲେ । ଗ୍ରାମର ଆଶା କର୍ମୀ ମାଳତୀ ଦେହୁରୀ ହାତ ଧୁଆ ର ଏକ ତାଲିମ ଦେଇଥିଲେ । ଏହି କାର୍ଯ୍ୟକ୍ରମକୁ ଅଞ୍ଚଳବାସୀ ପ୍ରଶଂସା କରିଥିଲେ ।