ଟ୍ରକ ଓ ବାଇକ ମୁହାଁମୁହିଁ ଧକ୍କା, ବାଇକ ଆରୋହୀ ମୃତ

ଦଶପଲ୍ଲା,୩/୭:- ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ୍ ବାଣିଗୋଛା ନିକଟସ୍ଥ କାମିଟି ପଂଗା ନିକଟରେ ଆଜି ଅପରାହ୍ନ ୨ଟା ୩୦ ସମୟରେ ଏକ ଲୁହାରଡ୍ ବୋଝେଇ ଟ୍ରକ୍ (OD 07 L 3161 ) ସହିତ, ଏକ ବାଇକ୍ ( OD O2 B 9223) ର ମୁହାଁମୁହିଁ ଧକ୍କା ହେବା ଫଳରେ, ଘଟଣା ସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ଖବରପାଇ ବାଣିଗୋଛା ଥାନାଅଧିକାରୀ, ଦୁର୍ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି ।
ପ୍ରକାଶ ଥାଉକି , ବାଣିଗୋଛା ନିକଟସ୍ଥ କାମିଟି ଫଗା ହନୁମାନ ମନ୍ଦିରଠାରେ ବାରମ୍ବାର ଦୁର୍ଘଟଣା ଘଟୁଥିବାବେଳେ , ଜାତୀୟ ରାଜପଥ ପ୍ରାଧିକରଣ ଏଥିପ୍ରତି ଦୃଷ୍ଟିଦେଉନଥିବାରୁ ସର୍ଵସାଧାରଣରେ କ୍ଷୋଭ ପ୍ରକାଶ ପାଉଛି । ଆର୍ ଟି ଓ ଇମ୍ଫୋ ଅନୁଯାୟୀ ମୋଟର୍ ସାଇକେଲ ମାଲିକ ପ୍ରକାଶ କୁମାର ପ୍ରଧାନ, ଭୂବନେଶ୍ୱର ହୋଇଥିଲା ବେଳେ , ମୃତକଙ୍କ ପ୍ରକୃତ ପରିଚୟ ବର୍ତ୍ତମାନ ସୁଦ୍ଧା ମିଳିପାରିନାହିଁ ବୋଲି, ବାଣିଗୋଛା ଥାନା ଅଧିକାରୀ ପ୍ରକାଶ କରିଛନ୍ତି ।