ଚଣ୍ଡିଖୋଲ : ବଡ଼ଚଣା ଅଞ୍ଚଳର ଜଣାଶୁଣା ବର୍ଷିଆନ କମ୍ୟୁନିଷ୍ଟ ନେତା ଗୋକୁଳାନନ୍ଦ ଜେନାଙ୍କର ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୭୨ବର୍ଷ ବୟସ ହୋଇଥିଲା । ସେ ପୂର୍ବରୁ ବଡ଼ଚଣାର ପୂର୍ବତନ ବିଧାୟକ ଦୁଃଶାସନ ଜେନାକୁ ରାଜନୈତିକ ଗୁରୁ ଭାବେ ଗ୍ରହଣ କରି ରାଜନୀତି ଆରମ୍ଭ କରିଥିଲେ । ସେ ୱାର୍ଡ ସଭ୍ୟ ଭାବେ କାର୍ଯ୍ୟ କରି ରାଜନୀତି ଆରମ୍ଭ କରିଥିଲେ । ସମାଜସେବା ପାଇଁ ଆଗକୁ ବଢ଼ି ବଢ଼ି ଚାଲିଥିଲେ । ଜୀବନରେ ନିଜ କାର୍ଯ୍ୟକୁ ପଛରେ ପକାଇ ସେ ସଦାବେଳେ ଅନ୍ୟର କାମକୁ ଗୁରୁତ୍ୱ ଦେଉଥିଲେ । ସେ ଏକଦା କମ୍ୟୁନିଷ୍ଟ ଦଳର ରାଜ୍ୟ କମିଟି ସଭ୍ୟପଦ ଲାଭ କରିଥିଲେ । ସ୍ୱର୍ଗତ ଜେନାଙ୍କ ବିୟୋଗରେ ବିଭିନ୍ନ ମହଲରେ ଶୋକର ଛାୟା ଖେଳିଯାଇଛି ।