ପାରଳାଖେମୁଣ୍ଡି : ଗଜପତି ପୋଲିସକୁ ମିଳିଛି ଏକବଡ଼ ସଫଳତା । ମୋଟର ସାଇକେଲ ଚୋରୀ ରାକେଟକୁ ଧରିବାରେ । ପାରଳାଖେମୁଣ୍ଡି ଆଦର୍ଶ ଥାନା ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଗଜପତି ଏସପି ତପନ କୁମାର ପଟ୍ଟନାୟକ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ ପାରଳାଖେମୁଣ୍ଡି ଟାଉନ ଥାନା ପେଟ୍ରୋଲିଂ ସମୟରେ ଫରେଷ୍ଟ ଗେଟ ଛକ ନିକଟରେ କୌଣସି ସୂତ୍ରରୁ ଖବର ପାଇ ମୋହନା ଥାନା ଅନ୍ତର୍ଗତ ଅଜିତ ମାଳି ବୋଲି ଜଣେ ବ୍ୟକ୍ତିକୁ ସନ୍ଦେହ ଜନକ ଅବସ୍ଥାରେ ଧରାଯାଇ ଥିଲା ଗାଡିର ଡକୁମେଣ୍ଟ ଚେକ କରିବା ସମୟରେ ଗାଡିର ଡକୁମେଣ୍ଟ ଠିକରେ ଦେଇ ପାରି ନ ଥିବାରୁ ତାଙ୍କୁ ଥାନାକୁ ଆଣି ପଚାରଉଚରା କରିବା ପରେ ଜଣା ପଡିଥିଲା ଯେ ସେ ବ୍ୟବହାର କରି ଥିବା ବାଇକଟି ଚୋରି ବାଇକ ।ଜଣାପଡିବା ପରେ ସେ ଦେଇଥିବା ତଥ୍ୟକୁ ଆଧାର କରି ପୋଲିସ ଟିମ ବିଭିନ୍ନ ସ୍ଥାନରେ ଚଢ଼ାଉ କରି ୨୪ଟି ବାଇକ ଜବତ କରିବା ସହିତ ସଂପୃକ୍ତ ଥିବା ଅନ୍ୟ ୫ ଜଣଙ୍କୁ ଗିରଫ କରିଛନ୍ତି । ଏ ସଂକ୍ରାନ୍ତରେ ପାରଳାଖେମୁଣ୍ଡି ଥାନାରେ ଏକ ମାମଲା ରୁଜ୍ଜୁ କରାଯାଇ ଅଧିକ ତଦନ୍ତ ଜାରି ରହିଛି ବୋଲି ପ୍ରକାଶ କରିଛନ୍ତି ।ପ୍ରକାଶ ଥାଉକି ଅଜିତ ମାଳି କଟକ, ଭୁବନେଶ୍ୱର ଓ ବ୍ରହ୍ମପୁର ଆଦି ସ୍ଥାନରୁ ଚୋରା ବାଇକ ଆଣି ଗଜପତି ଜିଲ୍ଲାର ବିଭିନ୍ନ ସ୍ଥାନରେ ବିକ୍ରି କରୁଥିଲେ ବୋଲି ସାମ୍ବାଦିକ ସମ୍ମିଳନୀରେ ଗଜପତି ଏସପି ତପନ କୁମାର ପଟ୍ଟନାୟକ ଗଣମାଧ୍ୟମକୁ ସୂଚନା ଦେଇଛନ୍ତି । ଆୟୋଜିତ ସାମ୍ବାଦିକ ସମ୍ମିଳନୀରେ ଏସ୍ଡିପି ଓ ପ୍ରକାଶ ଚନ୍ଦ୍ର ଜେନା, ଆଦର୍ଶ ଥାନା ଅଧିକାରୀ ବିବେକା ନନ୍ଦ ସ୍ୱାଇଁଙ୍କ ସମେତ ଅନ୍ୟାନ୍ୟ ପୋଲିସ ଅଧିକାରୀ ଓ କର୍ମଚାରୀ ଉପସ୍ଥିତ ଥିଲେ ।