ଗଣିଆ: ଗଣିଆ-ଭୁବନେଶ୍ୱର ମୁଖ୍ୟ ରାସ୍ତାର ରାଜକିଆରି ପେଟ୍ରୋଲ ପମ୍ପ ନିକଟରେ ବୁଧବାର ସନ୍ଧ୍ୟା ୭ଘଟିକା ସମୟରେ ଅଟୋ ସହିତ ଏକ ବାଇକର ମୁହାଁମୁହିଁ ଧକ୍କା ହୋଇଥିଲା । ଏଥିରେ ଦୁଇଜଣ ମହିଳା ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁସାରେ ବାଣପୁରରୁ କାନପୁର ଥାନା କାଞ୍ଜିଆପଦା ଅଭିମୁଖେ ଅଟୋଟି ଆସୁଥିବାବେଳେ ଗଣିଆପଟୁ ବାଇକଟି ପେଟ୍ରୋଲ ପମ୍ପ ନିକଟରେ ଭାରସାମ୍ୟ ହରାଇ ଅଟୋକୁ ଧକ୍କା ଦେଇଥିଲା । ଘଟଣାସ୍ଥଳରେ ଅଟୋଟି ନିଜରର ଭାରସାମ୍ୟ ହରାଇଥିବାବେଳେ ଅଟୋରେ ବସିଥିବା ୨ଜଣ ମହିଳାଙ୍କର ମୁଣ୍ଡରେ ଗଭୀର ଆଘାତ ଲାଗିଥିଲା । ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସ ଦ୍ୱାରା ସେମାନଙ୍କୁ ଗଣିଆ ଗୋଷ୍ଠୀ ସାସ୍ଥ୍ୟକେନ୍ଦ୍ରକୁ ଅଣାଯାଇଥିଲା । ସେମାନଙ୍କର ଅବସ୍ଥା ଗୁରୁତର ଥିବାରୁ ତାଙ୍କର ଆଶୁ ଚିକିତ୍ସା କରାଯାଇ ତୁରନ୍ତ ଭୁବନେଶ୍ୱର କ୍ୟାପିଟାଲ ହସପିଟାଲକୁ ସ୍ଥାନାନ୍ତରିତ କରାଯାଇଥିବା ଜଣାପଡ଼ିଛି । ପ୍ରକାଶ ଥାଉକି ମହିଳା ୨ଜଣ ହେଲେ କଟକ ଜିଲ୍ଲା କାନପୁର ଥାନାର କାଞ୍ଜିଆପଦାର ରୋଜି ଗୋଛି (୨୨) ଓ ରାଜେଶରୀ ଗୋଛି (୨୩) ।