ବୌଦ୍ଧ – ଜାତୀୟ ରାଜପଥ ନମ୍ବର୍ ୫୭ର ଚାରିଛକଠାରେ ଗତକାଲି ଅପରାହ୍ନରେ ଗୋଟିଏ ପିକଅପ୍ ସହ ବାଇକର ଧକ୍କା ହେବାରୁ ବାଇକ ଚାଳକ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ କୋଭିଡ୍ ଭୁବନେଶ୍ୱରର କିମସ କିମ୍ସ କୋଭିଡ୍ ହସପିଟାଲର ଗୋଟିଏ ପିକଅପ୍ ଭେନ ଓଡି୦୨ ବି ଏ ୮୨୪୪ ବୌଦ୍ଧରେ ସ୍ୱାସ୍ଥ୍ୟ ଉପକରଣ ଦେଇ ଫୁଲବାଣୀ ଅଭିମୁଖେ ଯାଉଥିବା ବେଳେ ଚାରିଛକଠାରେ ଦଶପଲ୍ଲା ଦିଗରୁ ଆସୁଥିବା ଏକ ବାଇକକୁ ଧକ୍କା ଦେଇଥିଲା । ଫଳରେ ବାଇକ ଚାଳକ ତିଲେଶ୍ୱର ଗ୍ରାମ ପଂଚାୟତ କୃଷ୍ଣପାଲି ଗ୍ରାମର ସତ୍ୟାନନ୍ଦ ସାହୁ (୪୩ ବର୍ଷ )ଗୁରୁତର ଆହତ ହୋଇଥିଲେ । ହରଭଙ୍ଗା ଦମକଳ ବାହିନୀ ଉଦ୍ଧାର କରି ଆହତଙ୍କୁ ପୁରୁଣା କଟକ ଡାକ୍ତରଖାନାରେ ଭର୍ତ୍ତି କରିଥିଲା ।