ଫୁଲବାଣୀ :-କନ୍ଧମାଳ ଜିଲ୍ଲା ଖଜୁରୀପଡ଼ା ବ୍ଳକ ଅନ୍ତର୍ଗତ ଗାଡ଼ିଆପଡା ଘାଟି ବୁଲାଣୀ ରାସ୍ତାରେ ଟ୍ରକଟି ଭାରସାମ୍ୟ ହରାଇ ୪୦ ଫୁଟ ତଳେ ପଡ଼ିଥିବା ଦେଖିବାକୁ ମିଳିଛି । ଘଟଣା ସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ଆହତ ହୋଇଥିବା ଦେଖିବାକୁ ମିଳିଛି । ଘଟଣା ସ୍ଥଳରେ ଖଜୁରୀପଡ଼ା ପୋଲିସ ପହଞ୍ଚି ଶବ ଜବତ କରିବା ସହ ଉଭୟଙ୍କୁ ଫୁଲବାଣୀ ମୁଖ୍ୟ ଡାକ୍ତରଖାନାକୁ ପଠାଇଛି । ଦୁର୍ଘଟଣା କିପରି ଘଟିଲା ସେ ନେଇ ତଦନ୍ତ କରୁଛି ପୋଲିସ । ଯାହା ସୂଚନା ମିଳିଛି ଟ୍ରକଟି ଆନ୍ଧ୍ରାରୁ ଲୁହା ଛଡ଼ ବୋଝେଇ କରି ଶଙ୍କରାଖୋଲ ଦେଇ ସମ୍ବଲପୁର ଯିବାକୁ ଥିବା ବେଳେ ଗାଡ଼ିଆପଡା ବୁଲାଣୀ ରାସ୍ତାରେ ଭାରସାମ୍ୟ ହରାଇ ଦୁର୍ଘଟଣା ଘଟିଛି । ଉକ୍ତ ଜାଗାରେ ସର୍ବଦା ଦୁର୍ଘଟଣା ଘଟୁଛି,ପ୍ରଶାସନ ଏଥି ପ୍ରତି ଧ୍ୟାନ ଦେବାକୁ ସ୍ଥାନୀୟ ବାସିନ୍ଦା କହିଛନ୍ତି