ଜି.ଉଦୟଗିରି : ଜି.ଉଦୟଗିରି ଟେଲିଫୋନ ଭବନ ସମ୍ମୁଖରେ ଶନିବାର ରାତିରେ ଏକ ବାଇକ ଦୁର୍ଘଟଣା ଘଟି ଜଣେ ବ୍ୟକ୍ତି ଗୁରୁତର ଆହାତ ହୋଇଥିଲା । ଖବର ଅନୁଯାୟୀ ଶନିବାର ରାତିରେ ଏକ ହୋଣ୍ଡା ସାଇନ୍ ପ୍ଳସ ବାଇକ୍ ନଂ ଓଡି ୧୨ ସି ୨୧୮୭ ଯାଉଥିବା ବେଳେ ବିପରୀତ ପଟୁ ଆସୁଥିବା ଅନ୍ୟ ଏକ ବାଇକ୍ ସହ ଧକ୍କା ହୋଇଥିବା ବେଳେ ଏଥିରେ ଏକ ଗାଡିର ଚାଳକ ପ୍ରଦୀପ କୁମାର ବାରିକଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଫଳରେ ପ୍ରଦୀପକୁ ତୁରନ୍ତ ସ୍ଥାନୀୟ ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଯାଇ ଅଧିକ ଚିକିତ୍ସା ନିମନ୍ତେ ବ୍ରହ୍ମପୁର ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ବେଳେ ରାସ୍ତାରେ ତାଙ୍କର ମୃତ୍ୟୁ ଘଟିଥିବା ସୂଚନା ରହିଛି ।ଦିନକୁ ଦିନ ଯୁବ ବାଇକଚାଳକ ମାନଙ୍କର ଉତ୍ପାତ ବଢୁଥିବା ସକାଶେ ଏହିପରି ଘଟଣା ଘଟୁଥିବା ଚର୍ଚ୍ଚା ହେଉଛି । ଅପରପକ୍ଷେ ଅନ୍ୟ ଏକ ବାଇକ ଚାଳକ ଶ୍ରୀକାନ୍ତ ପଣ୍ଡାଙ୍କ ଗୋଡର ଆଙ୍ଗୁଠି କଟିଯାଇଥିବାରୁ ଗଭୀର ଆହାତ ହୋଇଥିବା ମଧ୍ୟ ଜଣାପଡିଛି ।