ଢେଙ୍କାନାଳ : ସ୍କୁଟିରେ ଯାଉଥିବା ଜଣେ ଶିକ୍ଷୟତ୍ରୀଙ୍କ ଉପରେ ଚଢ଼ିଗଲା ପରିବା ବୋଝେଇ ଟ୍ରକ। ଫଳରେ ଘଟଣା ସ୍ଥଳରେ ଏହି ଶିକ୍ଷୟତ୍ରୀଙ୍କର ମୃତ୍ୟୁ ଘଟିଛି। ଢେଙ୍କାନାଳ ସହରର ମହିଷାପାଟ ଅଞ୍ଚଳରେ ଏପରି ଦୁର୍ଘଟଣା ଘଟିଛି ।
ସରସ୍ୱତୀ ଶିଶୁ ମନ୍ଦିରର ଶିକ୍ଷୟତ୍ରୀ ସୁମିତ୍ରା ଜେନା ତାଙ୍କ ସ୍କୁଟିରେ ମହିଷାପାଟ ଆଡ଼କୁ ଆସୁଥିବା ବେଳେ ଶଙ୍କରପୁରରୁ ଢେଙ୍କାନାଳ ଆସୁଥିବା ଏକ ପରିବା ବୋଝେଇ ଟ୍ରକ କୃଷି ବିଭାଗ ତାଲିମ କେନ୍ଦ୍ର ପାଖରେ ତାଙ୍କ ଉପରେ ଚଢ଼ି ଯାଇଥିଲା ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଛି । ମୃତ ଶିକ୍ଷୟତ୍ରୀଙ୍କ ଘର ମହିଷାପାଟ ଅଞ୍ଚଳରେ। ଖବର ପାଇ ଟାଉନ ପୁଲିସ ପହଞ୍ଚି ମୃତଦେହକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ଢେଙ୍କାନାଳ ମୁଖ୍ୟ ଡାକ୍ତରଖାନାକୁ ପଠାଇଛି । ସେପଟେ ଦୁର୍ଘଟଣା ଘଟାଇଥିବା ପରିବା ବୋଝେଇ ଟ୍ରକକୁ ପୋଲିସ ଜବତ କରି ତଦନ୍ତ ଚଳାଇଛି ।