ଆଠମଲ୍ଲିକ,୫/୯- ଆଜି ଅପରାହ୍ନ ପାଞ୍ଚଟା ସମୟରେ ଆଠମଲ୍ଲିକର ଠାକୁରଗଡ଼ ଆମ୍ବସରମୁଣ୍ଡା ନବଦୀପପୁର ଛକରେ ଏକ ଦୁର୍ଘଟଣା ଘଟିଯାଇଛି । ଏଥିରେ ଜଣଙ୍କର ମୃତ୍ୟୁ ଘଟିଥିବା ଜଣାପଡିଛି । ପ୍ରାପ୍ତ ଖବରରୁ ପ୍ରକାଶ ଯେ ଅନୁଗୁଳରୁ ନିଜ ବାପାଙ୍କ ସହିତ ଦେଖାକରି କିଶୋରନଗର ହିମିତିରା ପଂଚାୟତର ବାତିମୁଣ୍ଡା ଗ୍ରାମର ଦୁଇଭଉଣୀ ଅମିତା ନାୟକଓ ପ୍ରୀତିସୁମନ ନାୟକ ଘରକୁ ଫେରୁଥିଲେ । ଏହି ସମୟରେ ହଠାତ ସାମନାପଟୁ ଏକ ହାଇୱା ଗାଡ଼ି ନବଦୀପପୁର ଛକରେ ସେମାନଙ୍କ ସ୍କୁଟିକୁ ଧକ୍କା ଦେବାରୁ ସ୍କୁଟି ଚଳାଉଥିବା ଅମିତା ନାୟକ ଛିଟିକି ପଡିଯାଇଥଲେ ପଛରେ ବସିଥିବା ସାନ ଭଉଣୀ ପ୍ରୀତିସୁମନ ନାୟକ ଗାଡିର ଚକାତଳେ ପଡି ଘଟଣାସ୍ଥଳରେ ହିଁ ମୃତ୍ୟୁବରଣ କରିଥିଲେ । ଏହି ଖବର ଶୁଣିବାପରେ ତାଙ୍କ ପରିବାରରେ ଓ ଆଖପାଖ ଅଞ୍ଚଳରେ ଶୋକର ଛାୟା ଖେଳିଯାଇଛି । ଦୁର୍ଘଟଣା ଘଟାଇଥିବା ହାଇୱାକୁ ଠାକୁରଗଡ଼ ଥାନାରେ ଅଟକ ରଖାଯାଇ ପୁଲିସ ତଦନ୍ତ ଜାରିରଖିଛି । ଆହତ ହୋଇଥିବା ଅମିତା ନାୟକ ବର୍ତମାନ ଆଠମଲ୍ଲିକ ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ମୃତ ପ୍ରୀତିସୁମନ ନାୟକଙ୍କ ଶବ ବ୍ୟବଛେଦ ଆସନ୍ତାକାଲି କରାଯିବ ବୋଲି ଜଣାପଡିଛି ।