ବଲାଙ୍ଗୀର,୧୮/୧- ଭୁବନେଶ୍ୱର ସ୍ଥିତ ଏମ୍ସ ଠାରେ ଚିକିତ୍ସିତ ହେଉଥିବା ବଲାଙ୍ଗୀର ମାଟିର ଗୌରବ ସମାଜସେବୀ ଶ୍ରମିକ ନେତା ଲଳିତ ନାୟକ ଇହଧାମ ତ୍ୟାଗ କରିଛନ୍ତି । ଛାତ୍ର ଜୀବନରୁ ସାଧାରଣ ଲୋକଙ୍କ ହକ ପାଇଁ ଲଢେଇ, ରୋଗୀ ଦୁଃଖିଙ୍କ ସେବାରେ ମସଗୁଲ ଲଳିିତଙ୍କ ଛାପ ବିଗତ କିଛି ଦଶନ୍ଧିରେ ବଲାଙ୍ଗୀର ଠାରେ ଅନୁଷ୍ଠିତ ସାମାଜିକ ସଂସ୍କୃତିକ କାର୍ଯ୍ୟକ୍ରମ ଲୋକ ଉତ୍ସବ , ହାଇକୋର୍ଟ ବେଞ୍ଚପ୍ରତିଷ୍ଠା ଭଳି ରାଜନୈତିକ ଲଢେଇ, ରାଜେନ୍ଦ୍ର କଲେଜକୁ ବିଶ୍ୱବିଦ୍ୟାଳୟ ଲବି ଇତ୍ୟାଦି ପ୍ରତି କାର୍ଯ୍ୟକ୍ରମରେ ସେ ସକ୍ରିୟ ରହିଥିଲେ । କ୍ଷମତା ରାଜନୀତିରେ ପଛରେ ପଡିଥିଲେ ମଧ୍ୟ ଦଳ ମତ ଗୋଷ୍ଠୀ ନିର୍ବିଶେଷରେ ସେ ଆପଣାର ମଣିଷ । ସମସ୍ତଙ୍କ ଅସମୟର ସାଥି । ବାପର ପୁଅର ଅଜାର ସମସ୍ତଙ୍କ ଲଳିତ ଦାଦା । କେବଳ ବଲାଙ୍ଗୀର ନୁହେଁ ପଶ୍ଚିମ ଓଡିଶାରେ ୫୦ଟି ଶ୍ରମିକ ସଂଗଠନର ସେନାପତିଙ୍କ ବିୟୋଗ ସମସ୍ତଙ୍କୁ ସ୍ତବଧ କରିଦେଇଛି । ସୃଷ୍ଟି ହୋଇଛି ଏକ ଶୂନ୍ୟସ୍ଥାନ । ଦରଦି ଦାଦା ଲଳିତଙ୍କ ମୃତ୍ୟୁ ଖବରରେ ବଲାଙ୍ଗୀରରେ ଖେଳିଯାଇଛି ଶୋକର ଛାୟା ।