ବଲାଙ୍ଗୀର,୫/୬- ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ବିଜେପି କାର୍ଯ୍ୟାଳୟଠାରେ ଗାଁ ହୋମ୍ ଆଇସୋଲେସନରେ ଥିବା କୋଭିଡ୍ ସଂକ୍ରମିତଙ୍କ ଆବଶ୍ୟକତାକୁ ନଜରରେ ରଖି ଆରଏସଏସ୍ ସହଯୋଗରେ ଅକ୍ସିଜେନ ସିଲିଣ୍ଡର ଲୋଇସିଂହା ଓ ଆଗଲପୁର ବ୍ଳକ ଅଞ୍ଚଳର ଦୁଇ ମାହେଶ୍ୱରୀ ସଂଗଠନକୁ ଦେଇଛନ୍ତି । ତା ସହ ପଲ୍ସ ଅକ୍ସିମିଟର ଓ ଟେମ୍ପେରେଚର ଗନ୍ ମଧ୍ୟ ଦେଇଛନ୍ତି । ଆଗଲପୁର ଓ ଲୋଇସିଂହା ମାହେଶ୍ୱରୀ ସଂଗଠନର ଯୁବକମାନଙ୍କ ସେବା କାର୍ଯ୍ୟ ପ୍ରଶଂସନୀୟ ବିଶେଷକରି ମହାମାରୀ ସମୟରେ ଲୋକଙ୍କୁ ସଚେତନ କରିବା ସହ ଅନ୍ୟାନ୍ୟ ଦୁଃଖ ସମୟରେ ସହଯୋଗ ପାଇଁ ସାଧୁବାଦ ଜଣାଇଥିଲେ ।
ଆଜି ବିଶ୍ୱ ପରିବେଶ ଦିବସ ଅବସରରେ ପ୍ରଧାନମନ୍ତ୍ରୀ ମୋଦିଙ୍କ ବାର୍ତ୍ତାର ସିଧା ପ୍ରସାରଣ ବିଜେପି କର୍ମକର୍ତ୍ତା ନିଜେ ବିଧାୟକ ଓ ଜନସାଧାରଣ ଦେଖିଥିଲେ । ନଗେନ( କ) ଠାରେ ହାଇସ୍କୁଲ ପରିସରରେ ବୃକ୍ଷରୋପଣ କରି ପରିବେଶ ପ୍ରତି ଯତ୍ନବାନ ହେବାକୁ ଆହ୍ୱାନ ଦେଇଛନ୍ତି । ଉକ୍ତ କାର୍ଯ୍ୟକ୍ରମରେ ବିଜେପି କର୍ମକର୍ତ୍ତା ଗୌରାଙ୍ଗ ନାଏକ, ସୁନୀଲ ଦାସ, ଅନ୍ତର୍ଯ୍ୟାମୀ ବିଶ୍ୱାଳ ପ୍ରଫୁଲ୍ଲ ମିଶ୍ର, ସୁରେଶ ମହାଲିଙ୍ଗ, ମାହେଶ୍ୱରୀ ଆଗଲପୁର ଏବଂ ଲୋଇସିଂହା ସଦସ୍ୟ ଉପସ୍ଥିତ ଥିଲେ ।