ବାଲିଗୁଡ଼ା,୧୦/୪- ଗଞ୍ଜେଇ ଚୋରାଚାଲାଣ ବେଳେ ତୁମୁଡ଼ିବନ୍ଧ ପୋଲିସ୍ ପକ୍ଷରୁ ଚଢ଼ାଉ । ପୋଲିସ୍ ଦ୍ୱାରା ଦୁଇଜଣ ଆନ୍ତଃରାଜ୍ୟ ଗଞ୍ଜେଇ ମାଫିଆ ଗିରଫ । ୫ଲକ୍ଷରୁ ଉର୍ଦ୍ଧ୍ୱ ମୂଲ୍ୟର ଗଞ୍ଜେଇ ସହ କାର୍ ଜବତ । ସୂଚନା ପ୍ରକାରେ ବାଲିଗୁଡ଼ା ଅଞ୍ଚଳରୁ ରାୟଗଡ଼ା ଅଞ୍ଚଳରୁ ଗଞ୍ଜେଇ ଚୋରାଚାଲାଣ ହେଉଥିବା ବିଶ୍ୱସ୍ତ ସୂତ୍ରରୁ ଖବର ପାଇଥିଲେ ବାଲିଗୁଡ଼ା ଏସଡିପିଓ ମନୋଜ ପୂଜାରୀ । ସୂଚନା ମୁତାବକ ତୁମୁଡ଼ିବନ୍ଧ ପୋଲିସକୁ ସତର୍କ ରହିବାକୁ ନିର୍ଦ୍ଦେଶ ଦେଇଥିଲେ ଏସଡିପିଓ । ନିର୍ଦ୍ଦେଶ ଅନୁଯାୟୀ ତୁମୁଡ଼ିବନ୍ଧ ଥାନା ପୋଲିସ୍ ପକ୍ଷରୁ ଯା ଞ୍ଚପ୍ରକ୍ରିୟାକୁ କଡ଼ାକଡ଼ି କରାଯାଇଥିଲା । ତୁମୁଡ଼ିବନ୍ଧ ଥାନା କାଳିଶିପଦର ଛକ ନିକଟରେ ଗଞ୍ଜେଇ ଭର୍ତ୍ତି ଏକ କାରକୁ ଠାବ କରିଥିଲା ପୋଲିସ୍ । ଘଟଣାସ୍ଥଳରୁ କାର୍ସହ ୧୦୪କେଜି ଗଞ୍ଜେଇ ଜବତ କରିଛି ପୋଲିସ୍ । ଏଥିସହିତ ଦୁଇଜଣ ଗଞ୍ଜେଇ ମାଫିଆଙ୍କୁ ଗିରଫ କରିଛି ପୋଲିସ୍ । ଗିରଫ ଦୁଇଜଣ ନୁଆଦିଲ୍ଲୀର ୨୦ବର୍ଷୀୟ ଯୁବକ ଅଜୟ ସିଂ ଓ ୨୧ବର୍ଷୀୟ ଯୁବକ ନାଜିମ୍ ସାହା ହୋଇଥିବା ସୂଚନା ମିଳିଛି । ସେପଟେ ତୁମୁଡ଼ିବନ୍ଧ ଥାନା ଅଧିକାରୀ ବାବାଶଙ୍କର ସରାଫ ଘଟଣାର ଅଧିକ ତଦନ୍ତ କରୁଥିବା ପୋଲିସ୍ ପକ୍ଷରୁ ସୂଚନା ମିଳିଛି ।