ବାଲିଗୁଡ଼ା: ବାଲିଗୁଡ଼ା ପୋଲିସ୍ ପକ୍ଷରୁ ଜୁଆ ଆଡ୍ଡାରେ ଚଢ଼ାଉ । ୮ ଜଣ ଜୁଆଡ଼ିଙ୍କୁ ଗିରଫ କରିଛି ପୋଲିସ୍ । ଘଟଣାସ୍ଥଳରୁ ନଗଦ ୨୮୧୦୦ଟଙ୍କା ସହ ୮ ଟି ବାଇକ୍ ଜବତ କରିଛି ପୋଲିସ୍ । ଏଥିସହିତ ଆଠଟି ମୋବାଇଲ ଓ ୧୦ପ୍ୟାକେଟ୍ ତାସ୍ ମଧ୍ୟ ଜବତ କରିଛି ପୋଲିସ୍ । ବର୍ତ୍ତମାନ ସମୟରେ ବାଲିଗୁଡ଼ା ସହରର କଣ୍ଟେନମେଣ୍ଟ୍ ଯୋର୍ ରେ ଅଛି । ସେପଟେ ଅଞ୍ଚଳରେ ଦିନକୁଦିନ ସଂକ୍ରମିତଙ୍କ ସଂଖ୍ୟା ମଧ୍ୟ ବଢ଼ିବାରେ ଲାଗିଛି । ପ୍ରଶାସନ ପକ୍ଷରୁ ସାମାଜିକ ଦୂରତା ରକ୍ଷା କରିବା,ମାସ୍କ ବ୍ୟବହାର କରିବାସହ ଘରୁ ବାହାରକୁ ନ ବାହାରିବା ପାଇଁ ବାରମ୍ବାର ଜନସାଧାରଣଙ୍କୁ ନିବେଦନ କରାଯାଉଛି । ହେଲେ ଅମାନିଆଙ୍କ ପ୍ରତି କିଛି ପ୍ରଭାବ ପଡ଼ୁନି । ଆଜି ବାଲିଗୁଡ଼ା ଥାନା ଡହଲପଡ଼ି ଜଙ୍ଗଲରେ କିଛି ଜୁଆଡ଼ି ଜୁଆ ଖେଳ ଚଳାଇଥିବା ଖବର ପୋଲିସ୍ ପାଖରେ ପହଁଚିଥିଲା । ଡିଏସପି ମନୋଜ ପୁଜାରୀ ଓ ଆଇଆଇସି ପ୍ରଶାନ୍ତ କୁମାର ବେହେରା ନିଜ ଟିମ୍ ସହ ଜଙ୍ଗଲରେ ଚଢ଼ାଉ କରିଥିଲେ । ଘଟଣା ସ୍ଥଳରୁ ୮ ଜଣ ଜୁଆଡ଼ିଙ୍କୁ ପୋଲିସ୍ ଗିରଫ କରିଥିବାବେଳେ କିଛି ଜୁଆଡ଼ି ଘଟଣାସ୍ଥଳରୁ ଚମ୍ପଟ ମାରିଥିବା ଜଣାପଡ଼ିଛି ।