ବାଲିଗୁଡ଼ା,୮/୬: ଆଜି ବନବାସୀ ସେବା ସମିତି, ବାଲିଗୁଡ଼ା ଦ୍ୱାରା କରୋନା ସଚେତନତା ବାର୍ତ୍ତାବାହକ ଗାଡ଼ି ଓ ପୋଷ୍ଟର କ୍ୟାଂପେନର ଶୁଭାରମ୍ଭ ହୋଇଛି । ଏହି କାର୍ଯ୍ୟକ୍ରମରେ ସ୍ଥାନୀୟ ତହସିଲଦାର ଶଶାଙ୍କ ଶେଖର ପାତ୍ର ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି । ସ୍ଥାନୀୟ ସି. ଡି.ପି.ଓ ଅନିତା କୁମାରୀ ଦାଶ ଏବଂ ସମିତିର ସମ୍ପାଦକ ଉତ୍ସବ ଚନ୍ଦ୍ର ଜେନା କାର୍ଯ୍ୟକ୍ରମରେ ଯୋଗଦେଇ କ୍ୟାଂପେନର ସଫଳତା କାମନା କରିଥିଲେ । ବାଲିଗୁଡ଼ା ବ୍ଲକର ସମସ୍ତ ପଞ୍ଚାୟତ ଓ ବିଜ୍ଞାପିତ ଅଞ୍ଚଳ ପରିଷଦରେ କରୋନା ସଚେତନତାର ବାର୍ତ୍ତାକୁ ମାଇକ ଯୋଗେ ପ୍ରଚାର ସହ ପୋଷ୍ଟର, ଲିଫଲେଟ୍, ଫ୍ଲେକ୍ସ ମାଧ୍ୟମରେ ଲୋକମାନଙ୍କ ପାଖରେ ପହଞ୍ଚାଇବା ସହିତ ସ୍ୱେଚ୍ଛାସେବୀ ମାନଙ୍କ ଦ୍ୱାରା ଲୋକମାନଙ୍କୁ ଟିକାକରଣ ପାିଁ ଆଗ୍ରହ ସୃଷ୍ଟି କରାଯିବ ବୋଲି ଅନୁଷ୍ଠାନର ସହ ସମ୍ପାଦକ ରବୀନ୍ଦ୍ର କୁମାର ପଣ୍ଡା ଜଣାଇଛନ୍ତି । କାର୍ଯ୍ୟକ୍ରମରେ ଅନୁଷ୍ଠାନର ବରିଷ୍ଠ କର୍ମୀ ବିଶ୍ୱଜିତ ଜେନା, ଦେବରାଜ, ସୁଜିତ, ରୋହିତ ପ୍ରମୁଖ ସହଯୋଗ କରିଥିଲେ ।