ବାଲିଗୁଡ଼ା,୧୩/୧୧: ୨ ଲକ୍ଷ ଟଙ୍କାରୁ ଉର୍ଦ୍ଧ୍ୱ ମୂଲ୍ୟର ଗଞ୍ଜେଇ ଜବତ କରିଛି କନ୍ଧମାଳ ଜିଲ୍ଲା ବାଲିଗୁଡ଼ା ପୋଲିସ୍ । ପୋଲିସ୍ ପେଟ୍ରୋଲିଂ ବେଳେ ଗଞ୍ଜେଇ ଚୋରାଚାଲାଣ ହେଉଥିବା ସୂଚନା ପାଇଥିଲା ପୋଲିସ୍ । ବାଲିଗୁଡ଼ା ଥାନା ଗୋଇବାଲି ନିକଟରେ ପୋଲିସକୁ ଦେଖି ଏକ କାର୍ ଜଙ୍ଗଲ ରାସ୍ତାରେ ଦୃତଗତିରେ ଯାଉଥିବା ବେଳେ ପୋଲିସ୍ ତାକୁ ପିଛା କରିଥିଲେ । ଗୋଟିଏ ଗଛରେ ଗାଡ଼ି ଧକ୍କା ହୋଇଥିବା ପରେ ଗାଡ଼ି ଛାଡ଼ି ଘଟଣାସ୍ଥଳରୁ ଚମ୍ପଟ ମାରିଥିଲେ ଚୋରାଚାଲାଣକାରୀ । ଘଟଣାସ୍ଥଳରୁ କାର୍ ସମେତ ୪୦କେଜି ୫୦୦ଗ୍ରାମ୍ ଗଞ୍ଜେଇ ସହ କାର୍ ଜବତ କରିଛି ପୋଲିସ । ସେପଟେ ଅଞ୍ଚଳରେ ଗଞ୍ଜେଇ ଚୋରାଚାଲାଣ ବଢ଼ୁଥିବା ଯୋଗୁଁ ପୋଲିସପକ୍ଷରୁ ପେଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରାଯାଇଛି ।