ବାଲିଗୁଡ଼ା,୨୯/୭: କନ୍ଧମାଳ ଜିଲ୍ଲା ବାଲିଗୁଡ଼ା ଉପ କାରାଗାରରେ ୩୦ଜଣ ଅନ୍ତେବାସୀ ପଜିଟିଭ୍ ଚିହ୍ନଟ ହୋଇଥିବା ଜଣାପଡ଼ିଛି । ବର୍ତ୍ତମାନ ସମୟରେ ସମସ୍ତେ ଆଇସୋଲେସନରେ ଥିବା ଜଣାପଡ଼ିଛି । ସମସ୍ତଙ୍କ ସ୍ୱାସ୍ଥ୍ୟବସ୍ଥା ଭଲ ଥିବା ନେଇ ସୂଚନା ଦେଲେ ଜେଲ୍ ସୁପରିଟେଣ୍ଡେଣ୍ଟ ସଞ୍ଜିବ କୁମାର ସଏ । ସୂଚନା ପ୍ରକାରେ ଗତ ୨୬ ତାରିଖରେ ୩ଜଣ ଅନ୍ତେବାସୀଙ୍କ ପଜିଟିଭ୍ ଚିହ୍ନଟ ହେବାପରେ ଆଉ ୫୦ଜଣଙ୍କର ନମୁନା ପରୀକ୍ଷା କରାଯାଇଥିଲା । ସେଥିମଧ୍ୟରୁ ପୁଣି ୨୭ ଜଣଙ୍କର ପଜିଟିଭ୍ ଚିହ୍ନଟ ପରେ ମୋଟ ସଂଖ୍ୟା ୩୦ ହୋଇଥିବା ଜଣାପଡ଼ିଛି । ଏହାପରେ ଜେଲ୍ ପରିସରକୁ ସମ୍ପୂର୍ଣ୍ଣ ସାନିଟାଇଜ୍ କରାଯାଇଛି । ଏଥିସହିତ ଡାକ୍ତରୀଦଳ ପ୍ରତିଦିନ ଜେଲକୁ ଯାଇ ଅନ୍ତେବାସୀଙ୍କ ସ୍ୱାସ୍ଥ୍ୟ ଯାଞ୍ଚ୍ କରୁଥିବା ବେଳେ ସୁପରିଟେଣ୍ଡେଣ୍ଟ ମଧ୍ୟ ନିଜେ ପ୍ରତିଦିନ ଅନ୍ତେବାସୀଙ୍କ ସ୍ୱାସ୍ଥ୍ୟବସ୍ଥା ବୁଝୁଛନ୍ତି ।