ବାଲିଗୁଡ଼ା,୩/୧୨: କନ୍ଧମାଳ ଜିଲ୍ଲା ବାଲିଗୁଡ଼ା ଥାନା କାମ୍ପଡ଼ା ଗାଁରେ ଅଭାବନୀୟ ଘଟଣା । ୯ବର୍ଷର ଝିଅର ଗାଲକୁ ବ୍ଲେଡରେ କାଟିଦେଲା ସାବତ ମା’ । ଘଟଣାସ୍ଥଳରେ ପହଞ୍ଚିଲା ଚାଇଲ୍ଡ ଲାଇନ୍ ଟିମ୍ । ପୀଡ଼ିତାକୁ ଉଦ୍ଧାର କରିବାସହ ଚାଇଲ୍ଡ ଲାଇନ୍ ଟିମ୍ ପକ୍ଷରୁ ଥାନାରେ ଅଭିଯୋଗ । ସୂଚନା ପ୍ରକାରେ କାମ୍ପଡ଼ା ଗ୍ରାମର ଦିଲ୍ଲିପ ଦିଗାଳଙ୍କ ପ୍ରଥମ ସ୍ତ୍ରୀ ଙ୍କ ଦେହାନ୍ତ ପରେ ଦିଲ୍ଲିପ ଦ୍ୱିତୀୟ ବିବାହ କରିଥିଲେ । ପ୍ରଥମ ସ୍ତ୍ରୀ ଙ୍କ ୯ ବର୍ଷର ଝିଅଟିଏ ଅଛି । ଗତକାଲି ପ୍ରଥମ ସ୍ତ୍ରୀ ଙ୍କ ଝିଅ ଓ ଦ୍ୱିତୀୟ ସ୍ତ୍ରୀ ଙ୍କ ପୁଅ ମଧ୍ୟରେ କୌଣଶି କାରଣରୁ ଝଗଡ଼ା ଲାଗିଥିଲା । ଏଥିରେ ଉତକ୍ଷିପ୍ତ ହୋଇ ସାବତ ଝିଅର ଗାଲକୁ ସାବତ ମା’ ପାର୍ବତୀ ବ୍ଲେଡରେ କାଟି ଦେଇଥିବା ଅଭିଯୋଗ ହୋଇଛି । ଘଟଣା ସମ୍ପର୍କରେ ଖବର ପାଇ ଚାଇଲ୍ଡ ଲାଇନ୍ ଟିମ୍ ପୀଡିତାଙ୍କ ଘରେ ପହଞ୍ଚି ପୀଡ଼ିତାକୁ ଉଦ୍ଧାର କରିବାସହ ଥାନାରେ ଅଭିଯୋଗ କରିଥିବା ଚାଇଲ୍ଡ ଲାଇନ୍ ଟିମ୍ ପକ୍ଷରୁ ସୂଚନା ମିଳିଛି ।