ବାଲିଗୁଡା,୧୬/୮: ଆଜି କନ୍ଧମାଳ ଜିଲ୍ଲା ବାଲିଗୁଡ଼ା ଉପଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଜିଲ୍ଲାପାଳଙ୍କ ଅଭିଯୋଗ ଶୁଣାଣୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ୬୧ ଟି ବ୍ୟକ୍ତିଗତ ଓ ଦୁଇଟି ଗୋଷ୍ଠୀ ଅଭିଯୋଗର ଶୁଣାଣୀ କରିଛନ୍ତି ଜିଲ୍ଲାପାଳ ଆଶିଷ ଇଶ୍ୱର ପାଟିଲ୍ । ଚାରିଦିନର ଲଗାଣ ବର୍ଷା ପରେ ଆଜି ବାଲିଗୁଡ଼ା ଅଞ୍ଚଳରେ ପାଗ ଅନୁକୂଳ ରହିଥିବାବେଳେ ଜିଲ୍ଲାପାଳ ବାଲିଗୁଡ଼ା ଆସି ଅଞ୍ଚଳବାସୀଙ୍କ ଅଭିଯୋଗ ଶୁଣିବା ସହ ଲଗାଣ ବର୍ଷାରେ ଅଞ୍ଚଳରେ ଘଟିଥିବା କ୍ଷୟକ୍ଷତି ବାବଦରେ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି । ଏଥିସହିତ ଲଗାଣ ବର୍ଷାରେ ବାସଗୃହର କ୍ଷତି ଘଟିଥିବା କିଛି ଅଞ୍ଚଳବାସୀଙ୍କୁ ପ୍ରଶାସନ ପକ୍ଷରୁ ପାଲ ବଣ୍ଟନ କରାଯାଇଛି ।