ବାଲିଗୁଡ଼ା,୩୧/୫: ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁଯାୟୀ ରାଜ୍ୟର ଅନେକ ସ୍ଥାନରେ ୪ ଦିନ ଯାଏଁ କାଳବୈଶାଖୀ ହେବାନେଇ କୁହାଯାଇଥିବାବେଳେ କନ୍ଧମାଳ ଜିଲ୍ଲାର ବିଭିନ୍ନ ଅଞ୍ଚଳରେ ଏହାର ପ୍ରଭାବ ଦେଖିବାକୁ ମିଳିଛି । ଗତକାଲି ବିଭିନ୍ନ ସ୍ଥାନରେ ଘଡ଼ଘଡ଼ି ବିଜୁଳି ସାଙ୍ଗକୁ ପବନ ବର୍ଷା ହୋଇଛି । କ.ନୂଆଗାଁ ଅଞ୍ଚଳରେ କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି । ଘଡ଼ଘଡ଼ି ବିଜୁଳି ସାଙ୍ଗକୁ ପବନ ବର୍ଷାରେ ଭାଙ୍ଗିଲା ଏକାଧିକ ଘର । ପବନରେ ଘର ଛପର ଉଡ଼ିଯିବାସହ ବିଭିନ୍ନ ସ୍ଥାନରେ ବଡ଼ବଡ଼ ଗଛ ମଧ୍ୟ ଭାଙ୍ଗିଯାଇଥିବା ଦେଖିବାକୁ ମିଳିଛି । ବର୍ଷାରେ କ୍ଷତିଗ୍ରସ୍ତ ପରିବାରଙ୍କ ଖାଦ୍ୟସାମଗ୍ରୀ ସମେତ ଆସବାବପତ୍ର ମଧ୍ୟ ନଷ୍ଟ ହୋଇଯାଇଥିବା ବେଳେ ପ୍ରଶାସନିକ ସହାୟତା ଆବଶ୍ୟକ ବୋଲି କହିଛନ୍ତି କ୍ଷତିଗ୍ରସ୍ତ ପରିବାର ଲୋକେ ।