ଭୁବନେଶ୍ୱର,୧୧/୭- ରାଜ୍ୟରେ ଆଜି ପୁଣି ୫୭୦ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା ୧୨,୫୨୬ରେ ପହଞ୍ଚିଛି । ଆଜିର ଆକ୍ରାନ୍ତଙ୍କ ମଧ୍ୟରୁ ୩୮୪ ଜଣ ସଙ୍ଗରୋଧ କେନ୍ଦ୍ରରୁ ଚିହ୍ନଟ ହୋଇଥିବାବେଳେ ୧୮୬ ଜଣ ସ୍ଥାନୀୟ ଅଞ୍ଚଳର । କରୋନା ମହାମାରୀ ଆଜି ପୁଣି ୫ ମୁଣ୍ଡ ନେଇଛି । ଫଳରେ ରାଜ୍ୟରେ କରୋନା ମୃତ୍ୟୁସଂଖ୍ୟା ୬୧ରେ ପହଞ୍ଚିଛି । ଆଜି ଆକ୍ରାନ୍ତ ଚିହ୍ନଟ ହୋଇଥିବା ଜିଲ୍ଲାଗୁଡିକ ହେଲା ଗଞ୍ଜାମ ୨୧୮, ବାଲେଶ୍ୱର ଓ ବୌଦ୍ଧ ୩ ଜଣ ଲେଖାଏଁ, ଭଦ୍ରକ ୨, କଟକ ୪୬, ସୁନ୍ଦରଗଡ ୪୪, ଗଜପତି ୨୫, କେଉଁଝର ୧୪, ଯାଜପୁର ୪୦, ନୟାଗଡ ୩୭, ଖୋର୍ଦ୍ଧା ୩୭, ଝାରସୁଗୁଡା ୩୧, ଜଗତସିଂହପୁର ୧୬, ପୁରୀ ୧୫, ଅନଗୁଳ ଓ କୋରାପୁଟ ୧୧ ଲେଖାଏଁ, ମୟୂରଭଞ୍ଜ ୧୦, କେନ୍ଦ୍ରାପଡା ୬, ସମ୍ବଲପୁରର ଜଣେ ।