ଭୁବନେଶ୍ୱର,୨୭/୬- ରାଜ୍ୟ ସରକାର ଆଜି ଆଇଏଏସ ସ୍ତରରେ ବଡଧରରଣର ଅଦଳବଦଳ କରିଛନ୍ତି । ଏନେଇ ରାଜ୍ୟ ସାଧାରଣ ପ୍ରଶାସନ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ବିଜ୍ଞପ୍ତି ଅନୁଯାୟୀ ପ୍ରେମଚନ୍ଦ୍ର ଚୌଧୁରୀ ପଶ୍ଚିମ ଓଡିଶା ବିକାଶ ପରିଷଦର ସିଇଓ ଭାବେ ନିଯୁକ୍ତି ପାଇଛନ୍ତି ।
ସେହିଭଳି ସୁବର୍ଣ୍ଣପୁର ଜିଲ୍ଲାପାଳ ଭାବେ ଅବୋଲି ସୁନୀଲ ନରଭଣେ, ମାଲକାନାଗିରି ଜିଲ୍ଲାପାଳ ବିଶାଳ ସିଂ ନିଯୁକ୍ତି ହୋଇଥିବାବେଳେ ଲିଙ୍ଗରାଜ ପଣ୍ଡାଙ୍କୁ ଗଜପତି ଜିଲ୍ଲାପାଳ ଭାବେ ନିଯୁକ୍ତି ଦିଆଯାଇଛି । ଭୂପିନ୍ଦର ସିଂ ପୁନିଆ ଇପିକଲର ପରିଚାଳନା ନିର୍ଦ୍ଦେଶକ ଭାବେ ନିଯୁକ୍ତି ପାଇଥିବାବେଳେ ମୋନିଷା ବାନାର୍ଜୀ ବରଗଡର ଜିଲ୍ଲାପାଳ ଭାବେ ବଦଳି ହୋଇଛନ୍ତି । ସେହିଭଳି ଅନ୍ୟା ଦାସ ବାରିପଦାର ଉପ-ଜିଲ୍ଲାପାଳ ଭାବେ ନିଯୁକ୍ତ ହୋଇଥିବାବେଳେ ପାୱାର ସଚିନ ପ୍ରକାଶ ଧର୍ମଗଡ, ମହାଜନ ମନୋଜ ସତ୍ୟବାନ ଟିଟଲାଗଡର ଉପ-ଜିଲ୍ଲାପାଳ ଭାବେ ନିଯୁକ୍ତି ଦିଆଯାଇଛି । ଏହାବ୍ୟତୀତ ଅନେକ ଆଇଏଏସ ଅଧିକାରୀଙ୍କୁ ବଦଳି କରାଯାଇଥିବା ଜଣାପଡିଛି ।