ବଲାଙ୍ଗୀର,୧୮/୧୨- ବଲାଙ୍ଗୀର ସରକାରୀ ବସଷ୍ଟାଣ୍ଡ ନିକଟ ଫଳ ବଜାରେ ବିଳମ୍ବିତ ରାତିରେ ଅଗ୍ନିକାଣ୍ଡ ଯୋଗୁଁ ୮ଟି ଦୋକାନ ଜଳିଯାଇଛି । ୮ଜଣ ଆହତ ହୋଇଥିବା ବେଳେ ଜଣେ ଗୁରୁତର ଥିବା ଜଣାଯାଏ । ରାତିରେ ପେଟ୍ରୋଲିଂଗ କରୁଥିବା ପୋଲିସ୍ ନିଆଁ ଲିଗିଥିବା ଦେଖି ଅଗ୍ନିଶମ ବିଭାଗ ସହଯୋଗରେ ନିଆଁକୁ ଆୟତ୍ତ କରିଥିଲେ । ତେବେ ଏ ପର୍ଯ୍ୟନ୍ତ ନିଆଁ ଲାଗିବା କାରଣ ଅସ୍ପଷ୍ଟ । ସଟ୍ ସର୍କିଟ , ମଶାବତୀ ବା ଦୃବୃର୍ତ୍ତ କୌଣସି କାରଣରୁ ନିଆଁ ଲଗାଇଥିବା ଅନୁମାନ କରାଯାଉଛି । ଫଳ ଦୋକାନୀମାନେ ଆଜି ବଜାର ବନ୍ଦ ରଖିଛନ୍ତି । ଘଟଣାସ୍ଥଳରେ ପୁଲିସ ପହଞ୍ଚି ତଦନ୍ତ ଜାରିରଖିଛି ।