ଭବାନୀପାଟଣା : ଭବାନୀପାଟଣା ସଦର ବ୍ଲକ ଅନ୍ତର୍ଗତ ବାନ୍ଦୋପଲା ସ୍ଥିତ ବିକାଶ ଆବାସିକ ବିଦ୍ୟାଳୟଠାରେ ସିବିଏସସି ମାଟ୍ରିକ ପରୀକ୍ଷାରେ ୯୦ପ୍ରତିଶତରୁ ଉର୍ଦ୍ଧ୍ୱ ନମ୍ବର ରଖିଥିବା ଛାତ୍ରଛାତ୍ରୀ ମାନଙ୍କୁ ସ୍ୱାଗତ ଓ ସମ୍ବର୍ଦ୍ଧନା ଦିଆଯାଇଛି । ଏହି ଅବସରରେ ବିକାଶ ସ୍କୁଲର ନିର୍ଦ୍ଦେଶକ ଡ଼ି. ଶ୍ୟାମ, ଅନ୍ୟତମ ନିର୍ଦ୍ଦେଶକ ଡ଼ି. ରାଜକୁମାର, ଅକାଡେମୀକ ଇଂଚାଜଡ଼ି. ବିଜୟା, ବିକାଶ କଲେଜ ଅଧ୍ୟକ୍ଷ ଯୁବରାଜ ନାୟକ, ସ୍କୁଲ ଅଧ୍ୟକ୍ଷା ଆରତୀ ମିଶ୍ର, ଉପ ଅଧ୍ୟକ୍ଷା ତପସ୍ପିନି ମିଶ୍ର ପ୍ରମୁଖ ଉପସ୍ଥିତ ରହି ମାଟ୍ରିକରେ ରେକର୍ଡ ସଂଖ୍ୟାରେ ମାର୍କ ରଖି ପାସ ହୋଇଥିବା ଛାତ୍ରଛାତ୍ରୀମାନଙ୍କୁ ମାନପତ୍ର ଓ ଉପଢୌକନ ଦେଇ ସମ୍ମାନିତ କରିବା ସହିତ ଉତ୍ସାହିତ କରିଥିଲେ । ଏହି ଅବସରରେ ବିକାଶ ଗ୍ରୁପ ମେଧାବୀ ଛାତ୍ରଛାତ୍ରୀମାନଙ୍କୁ ସବୁବେଳେ ସମ୍ମାନ ଓ ଉତ୍ସାହିତ କରିବାକୁ ପଛରେ ପଡିବ ନାହିଁ ଓ ସମସ୍ତ ପ୍ରକାର ସାହଯ୍ୟ ଓ ସହଯୋଗ ପାଇଁ ପ୍ରତିଶ୍ରୁତିବୋଧ ବୋଲି କଲେଜ ଅଧ୍ୟକ୍ଷ ପ୍ରକାଶ କରିଥିଲେ ।