ବୌଦ୍ଧ:ବୌଦ୍ଧଜିଲ୍ଲା ବିଜୁ ଜନତା ଦଳର ପର୍ଯ୍ୟବେକ୍ଷକ ଦାୟିତ୍ୱରେ ଥିବା ବରିଷ୍ଠ ନେତା କୃତ୍ତିବାସ ପାତ୍ର ଗତକାଲି ବୌଦ୍ଧଜିଲ୍ଲା ଗସ୍ତ ଅବସରରେ ବୌଦ୍ଧବ୍ଲକ ବାଉଁଶୁଣୀ ମାହେଶ୍ୱରୀ ଯୁକ୍ତ ଦୁଇ ମହାବିଦ୍ୟାଳୟ ପରିସରରେ ଥିବା ଅସ୍ଥାୟୀ କ୍ୱାରେଣ୍ଟାଇନ ସେଣ୍ଟର ପରିଦର୍ଶନ କରିଥିଲେ ।
ଅନ୍ତେବାସୀ ମାନଙ୍କ ସୁବିଧା ଅସୁବିଧା ପଚାରି ବୁଝିବା ସହ ସେମାନଙ୍କର ଖାଦ୍ୟପେୟ ଦାୟିତ୍ୱରେ ଥିବା କର୍ମଚାରୀମାନଙ୍କ ସହ ଆଲୋଚନା କରିଥିଲେ । ଅନ୍ତେବାସୀମାନଙ୍କୁ ଖାଇବା ରହିବାରେ ଯେମିତି କୌଣସି ଅସୁବିଧା ନହେବ ସେଥିପାଇଁ ସେମାନଙ୍କୁ ପରାମର୍ଶ ଦେଇଥିଲେ । ପରିଦର୍ଶନ ସମୟରେ ଜିଲ୍ଲା ଯୁବ ବିଜୁ ଜନତାଦଳର ସାଧାରଣ ସଂପାଦକ ସରୋଜ ତ୍ରିପାଠୀ ଉପସ୍ଥିତ ଥିଲେ ।