ନନ୍ଦାହାଣ୍ଡି : ନନ୍ଦାହାଣ୍ଡି ବ୍ଲକ ଦହଣା ଠାରେ “ମୋ ମାଟି ମୋ ଦେଶ’ କାର୍ଯ୍ୟକ୍ରମ ଅବସରରେ ନାମ ସଂକୀର୍ତ୍ତନ ସହ ସହର ପରିକ୍ରମା କରି ପ୍ରତ୍ୟେକ ଘରୁ ମାଟି ସଂଗ୍ରହ କରାଯାଇଥିଲା । କାର୍ଯ୍ୟକ୍ରମ ଅନ୍ତେ ସ୍ଥାନୀୟ ଷ୍ଟାଡିୟମ ପଡିଆରେ କର୍ମକର୍ତ୍ତା କର୍ମଶାଳା ସହ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଏହି ମିଶ୍ରଣ ପର୍ବରେ ଶତାଧିକ କଂଗ୍ରେସ ଓ ବିଜେଡିର କର୍ମକର୍ତ୍ତା ଭାରତୀୟ ଜନତା ପାର୍ଟିର ନିତି ଆଦର୍ଶରେ ଅନୁପ୍ରାଣିତ ତଥା ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟ ଦକ୍ଷତାରେ ପ୍ରଭାବିତ ହୋଇ ବିଧିବଦ୍ଧ ଭାବେ ଭାରତୀୟ ଜନତା ପାର୍ଟିରେ ବିଧାୟକ ପ୍ରାର୍ଥୀ ଗୌରୀ ଶଙ୍କର ମାଝୀଙ୍କ ଉପସ୍ଥିତିରେ ଯୋଗ ଦେଇଥିଲେ । ଗତ ଦିନରେ ବିଜେପି ରାଜ୍ୟ ସଭାପତି ମନମୋହନ ସାମଲଙ୍କ ଗସ୍ତ ସମୟରେ ବିଜେପିରେ ଯୋଗ ଦେଇଥିବା ନନ୍ଦାହାଣ୍ଡି ବ୍ଲକ୍ର ପୂର୍ବତନ ନେତା ସିଲୁ ତ୍ରିପାଠୀଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଏହି କାର୍ଯ୍ୟକ୍ରମରେ ମଣ୍ଡଳ ସଭାପତି ଶ୍ରୀ କୃଷ୍ଣ ନାୟକ, ଦେବୀ ପ୍ରସାଦ ମହାପାତ୍ର, ଜ୍ୟୋତି ରଞ୍ଜନ କଂସ ବିଧାନ ସଭା ସଂଯୋଜକ, ମିଡ଼ିଆ ସଂଯୋଜକ ଦେବଦାସ ମହାଙ୍କୁଡ, ସନାତନ ତ୍ରିପାଠୀ, ପରେସ ଦାଶ, ମଣ୍ଡଳ ସାଧାରଣ ସମ୍ପାଦକ ଶ୍ରୀନିବାସ ଶତପଥୀ ଓ ରାମ ବିଶୋଇ, ଶରତ ତ୍ରିପାଠୀ, ବୁଦୁ ଜାନି, ଅନନ୍ତ ବିଶୋଇ, ସତ୍ୟ ବିଶୋଇ , ଶୁଭେନ୍ଦୁ ସାମନ୍ତରାୟ ଆଇ ଟି ସେଲ, ସୌମ୍ୟକାନ୍ତ ତ୍ରିପାଠୀ, କୈଳାସ ହରିଜନଙ୍କ ସହ ଅନ୍ୟାନ୍ୟ ବହୁ କାର୍ଯ୍ୟକର୍ତ୍ତା ଯୋଗ ଦେଇଥିଲେ । ଶ୍ରୀ କୃଷ୍ଣ ଚନ୍ଦ୍ର ଗୌଡ ଧନ୍ୟବାଦ ଅର୍ପଣ କରିଥିଲେ ।