କୋକସରା : କାଳୀକୃଷ୍ଣ ସଙ୍ଘର ପ୍ରତିଷ୍ଠାତା ସଦଗୁରୁଦେବ ସତ୍ୟାନନ୍ଦ ସରସ୍ଵତୀ ମହାରାଜଙ୍କ ୮୨ତମ ଜୟନ୍ତୀ ଅବସରରେ ସଙ୍ଘ ପରିଚାଳକ ଶ୍ରୀ ଜଗଦାନନ୍ଦଜୀଙ୍କ ମାର୍ଗଦର୍ଶନରେ କାଳୀକୃଷ୍ଣ ଆଶ୍ରମ, କନ୍ଦାଗଡ ଆମପାଣି ଠାରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏହି ରକ୍ତଦାନ ଶିବିରରେ ମୁଖ୍ୟ ଅତିଥି ଭାବେ କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ ଉଦଘାଟନ କରିଥିବାବେଳେ ସମ୍ମାନିତ ଅତିଥି ଭାବେ ଆମପାଣି ସରପଞ୍ଚ ରୁକ୍ମିଣୀ ବାଣୁଆ, ସମିତି ସଭ୍ୟ ନର୍ତ୍ତକୀ ଦଣ୍ଡସେନା, ବୁଢ଼ାରଜା ହାଇସ୍କୁଲର ପ୍ରଧାନ ଶିକ୍ଷକ ଭାଗ୍ୟବାନ ବାଗ, ନରେଶ ଯାଦବ, ସି ଆର ସି କେଦାର ନାଏକ, ଗୋପିଚାନ୍ଦ ନାଏକ, କାଳୀକୃଷ୍ଣ ସଙ୍ଘ ପ୍ରିୟାନନ୍ଦ, ମାଧବାନନ୍ଦ, ଲକ୍ଷ୍ମୀକାନ୍ତ ଖମାରୀ, ତନୁକଲାଲ ନାଗ ଉପସ୍ଥିତ ରହିଥିଲେ। ଜିତେନ୍ଦ୍ର ପଣ୍ଡାଙ୍କ ତତ୍ତ୍ୱାବଧାନରେ ପରିଚାଳିତ ଶିବିରରେ ଗଣେଶ ଅଗସ୍ତି, ଅଭିନ୍ନ ମାଝୀ, ଲଚିମଧର ମାଝୀ, ତପନ ନାଏକ, ଦୁର୍ବଳ ଧଙ୍କଡାମାଝୀ, ନବିନ ମେହେର, ଅଭିଜିତ ପଣ୍ଡା, ଦିଲ୍ଲିପ ଠାକୁର, ଅକବଳ ମାଝୀ, ଗୋବର୍ଦ୍ଧନ ମାଝୀ, ଟୁନୁ ମାଝୀ, ଛନ୍ଦା ଧଙ୍କଡାମାଝୀ, ରାମ ନାଏକ, ଶବର ଚଳାନ, ଚୁଡ଼ାମଣି ମାଝୀ ପ୍ରମୁଖ ସହଯୋଗ କରିଥିଲେ। ଏହି ଶିବିରରେ କାଳୀକୃଷ୍ଣ ସଙ୍ଘର ଶିଷ୍ୟଶିଷ୍ୟା ଓ ଶୁଭେଛୁମାନେ ରକ୍ତଦାନ କରିଥିଲେ ଓ ୩୦ ୟୁନିଟ ରକ୍ତ ସଙ୍ଗ୍ରହ ହୋଇଥିଲା। ଓଡ଼ିଶା ରକ୍ତ କେନ୍ଦ୍ର ଧର୍ମଗଡରୁ ଏଲଟି ଗଜାନନ ବେହେରା, ନିଗମ ଗୋପାଳ, ଡମ୍ବରୁ ମେହେର, ମାଧବ ଗୋପାଳ ରକ୍ତ ସଂଗ୍ରହରେ ସହଯୋଗ କରିଥିଲେ।