ବୌଦ୍ଧ,୪/୧ – ବୁଟୁପାଲିସ୍ଥିତ ଗଙ୍ଗାଧର ମେହେର ସ୍ୱେଚ୍ଛାସେବୀ ସମିତିର ସ୍ୱେଚ୍ଛାସେବୀମାନେ ନୂଆବର୍ଷ ଓ ଜିଲ୍ଲା ପ୍ରତିଷ୍ଠା ଦିବସକୁ ନିଆରା ଢଙ୍ଗରେ ପାଳନ କରିଛନ୍ତି । ଗତ ଶନିବାର ସକାଳେ ସଦସ୍ୟ ମାନେ ବୌଦ୍ଧ ସହରରେ ବୁଲୁଥିବା ଓ ଭିକ୍ଷା ବୃତ୍ତି କରି ବଞ୍ଚୁଥିବା ବ୍ୟକ୍ତିଙ୍କୁ ଠାବ କରି ତାଙ୍କ ବାଳ ଦାଢୀ କଟାଇ ନୂତନ ବସ୍ତ୍ର ଓ ଶୀତବସ୍ତ୍ର ପ୍ରଦାନ କରିଥିଲେ । ସଦସ୍ୟ ମାନଙ୍କ ଏଭଳି ନିଆରା ଢଙ୍ଗରେ ନୂଆବର୍ଷ ଓ ଜିଲ୍ଲା ପ୍ରତିଷ୍ଠା ଦିବସ ପାଳନକୁ ଜନସାଧାରଣରେ ପ୍ରଶଂସା କରାଯାଇଛି ।