ବୌଦ୍ଧ,୨୩/୭ – ପୁର୍ବରୁ ୮୦ ଜଣ କରୋନା ପଜିଟିଭ ଚିହ୍ନଟ ହୋଇଥିବାବେଳେ ଆଜି ପୁଣି ୨ ଜଣ ଚିହ୍ନଟ ହେବା ପରେ ଜିଲ୍ଲାରେ କରୋନା ଆକ୍ରାନ୍ତ ସଂଖ୍ୟା ୮୨ ରେ ପହଞ୍ଚିଲା । ନୂତନ ଦୁଇ ଆକ୍ରାନ୍ତଙ୍କ ମଧ୍ୟରୁ ଜଣେ ବୌଦ୍ଧବ୍ଲକ୍ ବାଉଁଶୁଣି ଥାନା ଗୁନ୍ଦୁଳିିଆ ଗ୍ରାମର ଓ ସେ ଗୁନ୍ଦଳିିଆ କ୍ୱାରେଣ୍ଟାଇନ ସେଣ୍ଟରର ସଫେଇ କର୍ମଚାରୀ ଭାବରେ କାମ କରୁଥିଲେ । ତାଙ୍କୁ ଗତକାଲି ସନ୍ଧ୍ୟା ପ୍ରାୟ ୭ ଘଣ୍ଟା ସମୟରୁ ଅଣାଯାଇ ବୌଦ୍ଧ କୋଭିଡ୍ ହେଲଥ ସେଣ୍ଟରରେ ଭର୍ତ୍ତି କରାଯାଇଛି । ଅନ୍ୟ ଆକ୍ରାନ୍ତ ଜଣକ ବୌଦ୍ଧ ଜିଲ୍ଲାର ଅଧିବାସୀ ଓ ସେ ଭୁବନେଶ୍ୱରସ୍ଥିତ ଆପୋଲୋ ହସପିଟାଲରେ କାର୍ଯ୍ୟରତ ଜଣେ କର୍ମଚାରୀ ହୋଇଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ସେ ଭୁବନେଶ୍ୱରରେ ଚିକିତ୍ସାଧୀନ ଅଛନ୍ତି ।