ବୌଦ୍ଧ, ୧୨/୮ – ଆଜି ଦିନ ପ୍ରାୟ ୧୨ ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ ୫୭ ର ବୀରନରସିଂହପୁର ନିକଟରେ ପାଜେରୋ ଧକ୍କାରେ ଦୁଇ ଜଣ ବାଇକ ଆରୋହୀ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଦିନ ପ୍ରାୟ ୧୨ ଘଣ୍ଟା ସମୟରେ ସମାନ ଦିଗରୁ ଆସୁଥିବା ଗୋଟିଏ ପାଜେରୋ ଗାଡି ଓଡି ୦୮ ଏ ୦୦୦୨ ଗୋଟିଏ ହୋଣ୍ଡା ସାଇନ୍ ବାଇକକୁ ପଛ ପାଖରୁ ଧକ୍କା ଦେବାରୁ ବାଇକରେ ବସିଥିବା ଦୁଇ ଜଣ ଆରୋହୀ ରାସ୍ତାରେ ଛିଟିକି ପଡିବା ସହ ଗୁରୁତର ଆହତ ହୋଇଥିଲେ ।
ଖବର ପାଇ ବୌଦ୍ଧ ଥାନା ପୋଲିସ୍ ଘଟଣାସ୍ଥଳରେ ପହଞ୍ଚି ପାଜେରୋ ଓ ବାଇକକୁ ଜବତ୍ କରିଛି । ପିସିଆର ଭେନରେ ଗୁରୁତର ଆହତ ଦୁଇ ବାଇକ ଆରୋହୀଙ୍କୁ ଆଣି ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଛି । ଗୁରୁତର ବାଇକ ଆରୋହୀମାନେ ହେଲେ ସରସରା ଗ୍ରାମର ସୁରେନ୍ଦ୍ର ପାଢୀ (୨୫ ବର୍ଷ ) ଓ ସାନ ବଙ୍କାପଡା ଗ୍ରାମର ସତ୍ୟ ନାରାୟଣ କର୍ଣ୍ଣ (୩୦ ବର୍ଷ ) ।