ବୌଦ୍ଧ,୮/୧୦ – ଆଜି ଭୋର ପ୍ରାୟ ୫ ଘଣ୍ଟା ସମୟରେ ଜାତୀୟ ରାଜପଥ ନମ୍ବର୍ ୫୭ ର ବୀରନରସିଂହପୁର ଗ୍ରାମ ନିକଟରେ ଅଜଣା ଗାଡି ଧକ୍କାରେ ଜଣେ ବୃଦ୍ଧଙ୍କ ମୃତ୍ୟୁ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ବୌଦ୍ଧଥାନା ବୀରନରସିଂହପୁର ଗ୍ରାମର ନିଳାଦ୍ରୀ ଭୋକ୍ତା (୬୫ ) ନିଜ ଚାଷ ଜମିଆଡେ ଶୌଚ ପାଇଁ ଯାଉଥିବାବେଳେ ଜାତୀୟ ରାଜପଥ ନମ୍ବର୍ ୫୭ ର ବୀରନରସିଂହପୁର ଛକ ନିକଟରେ ଗୋଟିଏ ଅଜଣା ଗାଡି ଧକ୍କା ଦେଇଥିଲା । ଫଳରେ ଗୁରୁତର ଆହତ ଅବସ୍ଥାରେ ତାଙ୍କୁ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା ।ଡାକ୍ତର ତାଙ୍କୁ କଟକ ବଡ଼ ଡାକ୍ତରଖାନା ନେବା ପାଇଁ ପରାମର୍ଶ ଦେଇଥିଲେ ଓ କଟକ ଯିବା ବାଟରେ ପୁରୁଣାକଟକ ଥାନା ଲୁଣିବାହାଲ ନିକଟରେ ତାଙ୍କର ପ୍ରାଣବାୟୁ ଉଡିଯାଇଥିଲା । ଧକ୍କା ଦେଇ ଗାଡିଟି ଫେରାର ମାରିଥିବାବେଳେ ଏ ପର୍ଯ୍ୟନ୍ତ ଧରା ପଡିନାହିଁ । ବୌଦ୍ଧ ପୋଲିସ ଏ ସମ୍ପର୍କରେ ଅନୁସନ୍ଧାନ ଜାରିରଖିଛି ।