ବୌଦ୍ଧ,୧୬/୯ – ଆଜି ବୌଦ୍ଧ ଜିଲ୍ଲାରେ ପୁଣି ନୂତନ ୨୨ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକସମ୍ପର୍କ ବିଭାଗ ସୂଚନା ଦେଇଛି । ଆଜି ଚିହ୍ନଟ ହୋଇଥିବା ୨୨ ଜଣ ଆକ୍ରାନ୍ତଙ୍କ ମଧ୍ୟରୁ ବୌଦ୍ଧ ସହରାଞ୍ଚଳରୁ ୩ ଜଣ, ହରଭଙ୍ଗା ବ୍ଲକ୍ ସରସରା ଗ୍ରାମରୁ ୧ ଜଣ, ବୀରନରସିଂହପୁର ଗ୍ରାମ ପଂଚାୟତର ମହୁଲବୁରି ଗ୍ରାମରୁ ୧ ଜଣ, ଚାରିଛକରୁ ୬ ଜଣ, ଲୁଣିବାହାଲ୍ ଗ୍ରାମ ପଂଚାୟତର ଶୁକପାଲି ଗ୍ରାମରୁ ୨ ଜଣ, ଯୁବରାଜପୁର ଗ୍ରାମରୁ ୨ ଜଣ, ପୁରୁଣାକଟକ ଗ୍ରାମରୁ ୧ ଜଣ, ବଡବନ୍ଧ ଗ୍ରାମରୁ ୧ ଜଣ, ବୌଦ୍ଧ ବ୍ଲକ୍ ଖୁଣ୍ଟବନ୍ଧ ଗ୍ରାମ ପଂଚାୟତର ଗୋବିନ୍ଦପୁର ଗ୍ରାମରୁ ୧ ଜଣ, ମୁର୍ଷୁଣ୍ଢିରୁ ୧ ଜଣ ଓ ବୌଦ୍ଧ କୋଭିଡ ହେଲଥ ସେଣ୍ଟରର ୩ ଜଣ ସଫେଇ /ପରିମଳ କର୍ମଚାରୀ କରୋନା ଆକ୍ରାନ୍ତ ହୋଇଥିବା ସିଡିଏମଓ ଡାକ୍ତର ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଉ ଜଣେ ବ୍ୟକ୍ତି ବାହାର ଜିଲ୍ଲାରେ ପରୀକ୍ଷା କରାଇ ପଜିଟିଭ ଚିହ୍ନଟ ହୋଇଥିବା ହେତୁ ତାଙ୍କ ସମ୍ପର୍କରେ କୌଣସି ସୂଚନା ହସ୍ତଗତ ହୋଇନଥିବା ସିଡିଏମଓ କହିଛନ୍ତି । ସେହିପରି ଆଜିର ୨୨ କରୋନା ପଜିଟିଭ ସଂଖ୍ୟା ମିଶାଇଲେ ଜିଲ୍ଲାରେ ମୋଟ୍ କରୋନା ଆକ୍ରାନ୍ତ ସଂଖ୍ୟା ୧୧୬୪ ରେ ପହଞ୍ଚିଲା । ଗତକାଲି ସୁଦ୍ଧା ୭୭୮ ଜଣ କରୋନା ଆକ୍ରାନ୍ତ ସୁସ୍ଥ ହୋଇ ସାରିଛନ୍ତି ଓ ବର୍ତ୍ତମାନ ୩୮୫ ଜଣ କରୋନା ରୋଗୀ ଚିକିତ୍ସାଧୀନ ଥିବା ଜଣାପଡିଛି । ୫୮୦ଜଣଙ୍କ ରିପୋର୍ଟ ଅପେକ୍ଷାରେ ଅଛି ବୋଲି ଜିଲ୍ଲା ସୂଚନା ଓ ଲୋକସଂପର୍କ ଅଧିକାରୀ ସୂଚନା ଦେଇଛନ୍ତି ।