ବୌଦ୍ଧ,୩୦/୧:- ବୌଦ୍ଧ ଜିଲ୍ଲା ପ୍ରଶାସନ ଓ ଓଡିଶା ସରକାରଙ୍କ ଦକ୍ଷତା ବିକାଶ ପ୍ରାଧିକରଣ ଆନୁକୂଲ୍ୟରେ ହେବାକୁ ଥିବା ଦୁଇଟି ନିଯୁକ୍ତି ମେଳା ଫେବୃୟାରୀ ୭ ତାରିଖ ଦିନ ଟାଉନହଲ ବୌଦ୍ଧଠାରେ ଏବଂ ଫେବୃୟାରୀ ୮ ତାରିଖଦିନ ହରଭଙ୍ଗା ବ୍ଲକର ଭୈରବୀ ଡିଗ୍ରୀ ମହାବିଦ୍ୟାଳୟ ପୁରୁଣାକଟକ ଠାରେ ସକାଳ ୧୦ ଘଂଟା ଠାରୁ ଅପରାହ୍ନ ୨ ଘଂଟା ପର୍ଯ୍ୟନ୍ତ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି । ଏହି ମେଳାରେ ୫ମ ରୁ ୧୦ମ ଏବଂ ଯୁକ୍ତଦୁଇ, ଯୁକ୍ତତିନି, ଆଇଟିଆଇ ଓ ଡିପ୍ଲୋମା ପାଶ କରିଥିବା ବେକାର ଯୁବକ ଯୁବତୀ( ୧୮ ରୁ ୩୫ ବର୍ଷ)ଙ୍କୁ କର୍ମନିଯୁକ୍ତିର ସୁଯୋଗ ଦିଆଯିବ । ଆଶାୟୀ ପ୍ରାର୍ଥୀମାନେ ନିଜର ଆଧାରକାର୍ଡ ନକଲ, ଶିକ୍ଷାଗତ ଯୋଗ୍ୟତା ପ୍ରମାଣପତ୍ର ନକଲ, ଦୁଇଟି ପାସପୋର୍ଟ ଫଟୋ ସହିତ ନିଯୁକ୍ତିମେଳାକୁ ଆସିବାକୁ ଜିଲ୍ଲା ନିୟୋଜନ ଅଧିକାରୀ ସୁଶାନ୍ତ କୁମାର ନାଏକ ନିବେଦନ କରିଛନ୍ତି । ଏହି ମେଳା ଜରିଆରେ ନିଯୁକ୍ତି ପାଇଥିôବା ଯୁବକ ଯୁବତୀମାନେ ଘରୋଇ କମ୍ପାନୀ ରାଜ୍ୟ ଦକ୍ଷତା ବିକାଶ ସଂସ୍ଥା ପକ୍ଷରୁ ତାଲିମ ଏବଂ କର୍ମନିଯୁକ୍ତିର ସୁଯୋଗ ପାଇପାରିବେ । ଏହି ମେଳାରେ ରାଜ୍ୟ ଓ ରାଜ୍ୟ ବାହାରର ବିଭିନ୍ନ ବେସରକାରୀ ସଂସ୍ଥାର ନିଯୁକ୍ତିଦାତା ଓ ଦକ୍ଷତା ବୃଦ୍ଧି ତାଲିମଦାତାମାନେ ଯୋଗଦେବେ । କେତେକ ସଂସ୍ଥାରେ ସିଧାସଳଖ ନିଯୁକ୍ତିର ସୁଯୋଗ ଥିବାବେଳେ ଅନ୍ୟ କେତେକ ସଂସ୍ଥା ସ୍ୱଳ୍ପ ତାଲିମ ପରେ ନିଯୁକ୍ତି ପ୍ରଦାନ କରିବେ । ବୌଦ୍ଧଜିଲ୍ଲାର ଚାକିରୀ ଅନ୍ୱେଷଣରେ ଥିବା ବେରୋଜଗାର ଯୁବକ ଯୁବତୀମାନେ ଏହି ନିଯୁକ୍ତି ମେଳାର ଲାଭ ଉଠାଇବାକୁ ଜିଲ୍ଲା ପ୍ରଶାସନ ପକ୍ଷରୁ ନିବେଦନ କରାଯାଇଛି ।