ବୌଦ୍ଧ,୭/୧୧- ବୌଦ୍ଧଜିଲ୍ଲା ହରଭଙ୍ଗା ବ୍ଲକ ବନ୍ଧାପଥର ଗ୍ରାମ ପଂଚାୟତର ରାଣୀସାହି ନୂଆପାଲି ଠାରେ କାର୍ତ୍ତିକ ଚତୁର୍ଦ୍ଦଶୀ ଉପଲକ୍ଷେ ଏକ ଦିବସୀୟ ସୁନ୍ଦରାକାଣ୍ଡ ପ୍ରବଚନ ଅନୁଷ୍ଠିତ ହୋଇଯାଇଛି । ପ୍ରାପ୍ତ ସୂଚନାନୁଯାୟୀ ଗାୟିକା ବା ବ୍ୟାସ ଭାବେ ଜ୍ୟୋସ୍ନାମୟୀ ଦୀକ୍ଷିତ ଏବଂ ସହାୟକ ପାଳିକା ଭାବେ ବର୍ଷା ରାଣୀ ବଲାଙ୍ଗୀର ଜିଲ୍ଲାର ଦେଶେଇ ମୁଣ୍ଡାରୁ ଉପସ୍ଥିତ ରହି ସମବେତ ଜନତାଙ୍କୁ ତାଙ୍କ ସୁମଧୁର କଣ୍ଠସ୍ୱରରେ ବିମୋହିତ କରି ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରିଥଲେ । ଉକ୍ତ କାର୍ଯ୍ୟକ୍ରମର ସୁପରିଚାଳନା ଦାୟିତ୍ୱରେ ସଭାପତି ଭାବେ ନୂଆପାଲି ଗ୍ରାମର ବିମଳ ଚରଣ ମେହେର ଏବଂ ସମ୍ପାଦକ ଭାବେ ଜୀବର୍ଦ୍ଧନ ମେହେରଙ୍କ ସହ ଗ୍ରାମର ସମସ୍ତ ଆବାଳ ବୃଦ୍ଧ ବନିତା ସହଯୋଗର ହାତଦେଇ ଏହି କାର୍ଯ୍ୟକ୍ରମକୁ ସୁଫଳ କରାଇଥିଲେ ।