ବୌଦ୍ଧ,୧୦/୧୧: ବୌଦ୍ଧଜିଲ୍ଲା ହରଭଙ୍ଗା ବ୍ଲକ କେଲାକଟାସ୍ଥିତ ସ୍ୱତନ୍ତ୍ର ଓ ପର୍ଯ୍ୟବେକ୍ଷଣ ଗୃହ ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କେଲାକଟା ଆରଡି ରାସ୍ତା ଠାରୁ ସ୍ୱତନ୍ତ୍ର ଓ ପର୍ଯ୍ୟବେକ୍ଷଣ ଗୃହର ମୁଖ୍ୟଦ୍ୱାର ପର୍ଯ୍ୟନ୍ତ ରାସ୍ତାର ଉଭୟ ପାଶ୍ୱର୍ରେ ୮୦ ରୁ ଉର୍ଦ୍ଧ୍ୱ ବୃକ୍ଷରୋପଣ କରାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀମତୀ ବବିତାରାଣୀ ଦଳବେହେରା ଯୋଗଦେଇ ବୃକ୍ଷରୋପଣ କରିଥିଲେ । ଅନ୍ୟମାନଙ୍କ ମଧ୍ୟରେ ଓଏଏସ ପ୍ରବେସନ ଅଧିକାରୀ କୁଲଦୀପ ମହାନ୍ତି, ଜିଲ୍ଲା ଶିଶୁ ସୁରକ୍ଷା ଅଧିକାରୀ ରାହୁଳ ପ୍ରଧାନ, ନିର୍ଦ୍ଦେଶକ ଏଆରଏସଏସ ଅଙ୍କୁଶ ଅଗ୍ରୱାଲ, ପ୍ରକଳ୍ପ ପରିଚାଳକ ପି. ମୁର୍ଗେଶନ, ରାଧାନଗର ସରପଞ୍ଚ ଗଣେଶ ବେହେରା ପ୍ରମୁଖ ଯୋଗଦେଇ ବୃକ୍ଷରୋପଣ କରିଥିଲେ । ଏହି କାର୍ଯ୍ୟକ୍ରମରେ ଏଆରଏସଏସ ରେଳପ୍ରକଳ୍ପ, ସ୍ୱତନ୍ତ୍ର ଓ ପର୍ଯ୍ୟବେକ୍ଷଣ ଗୃହ ଓ ଜିଲ୍ଲା ଶିଶୁ ସୁରକ୍ଷା ୟୁନିଟ ବୌଦ୍ଧର କର୍ମଚାରୀ ସହଯୋଗ କରିଥିଲେ ।