ବୌଦ୍ଧ,୨୧/୧- ବୌଦ୍ଧ ଜିଲ୍ଲା ଏବିଭିପି ତରଫରୁ ଏକ ବିଶାଳ ଛାତ୍ର ସମାବେଶ ଜିଲ୍ଲା ସଂଯୋଜକ ଦେବାଶିଷ ସେଠୀଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି । ହାଇସ୍କୁଲ ପଡିଆରେ ସମଗ୍ର ଜିଲ୍ଲାର ବିଭିନ୍ନ ମହାବିଦ୍ୟାଳୟ ମାନଙ୍କରୁ ଶହଶହ ବିଦ୍ୟାର୍ଥୀ ସମାଗମ ହୋଇଥିଲେ । ସେଠାରୁ ଏକ ବିଶାଳ ଶୋଭାଯାତ୍ରାରେ ବାହାରି ସ୍ଥାନୀୟ କଲ୍ୟାଣ ମଣ୍ଡପ ପଡ଼ିଆରେ ପହଞ୍ଚି ଏକ ସାଧାରଣ ସଭା ହୋଇଥିଲା । କାର୍ଯ୍ୟକ୍ରମରେ ଜିଲ୍ଲାର ତୁଙ୍ଗ ଛାତ୍ର ନେତା ମାନେ ଯୋଗଦେଇ ଜିଲ୍ଲାର ବିଭିନ୍ନ ଦାବି ଉପସ୍ଥାପନ କରିଥିଲେ । ମୁଖ୍ୟଅତିଥି ଭାବରେ ପ୍ରାକ୍ତନ ଜିଲ୍ଲା ସଂଯୋଜକ ତଥା ଜିଲ୍ଲା କାର୍ଯ୍ୟକାରିଣୀ ସଦସ୍ୟ ଯୁବ ଛାତ୍ର ନେତା ବାଲ୍ମୀକି ମହାକୁଡ ଯୋଗ ଦେଇ ଜିଲ୍ଲାରେ କୃଷି ବିଶ୍ୱବିଦ୍ୟାଳୟ ଏବଂ ମେଡ଼ିକାଲ କଲେଜ ସ୍ଥାପନ ପାଇଁ ଆନ୍ଦୋଳନ ହେବ ବୋଲି ଦାବି କରିଥିଲେ । ଶେଷରେ ଷ୍ଟୁଡେଣ୍ଟସ ଫର୍ ସେବାର ବଲାଙ୍ଗୀର ବିଭାଗ ସହ ସଂଯୋଜକ ଦେବାଶିଷ ସେଠୀ ଧନ୍ୟବାଦ ଅର୍ପଣ କରିଥିଲେ । ଛାତ୍ର ସମାବେଶରେ ଏବିଭିପିର ଶୁଭେନ୍ଦୁ ଭାଇ, ନିବାସ ଭାଇ, ସୁବ୍ରତ ଭାଇ, ରୋହନ ଭାଇ, ସିଲୁ ଭାଇ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ ।