ବୌଦ୍ଧ,୧୮/୧- ବୌଦ୍ଧଜିଲ୍ଲା ହରଭଙ୍ଗାବ୍ଲକ୍ ବାମଣ୍ଡା କେନ୍ଦ୍ର ଡୁମାଳ ସମାଜର ନୂତନ କର୍ମକର୍ତ୍ତା ମନୋନୀତ ହୋଇଥିବା ଜଣାପଡିଛି । ଗତକାଲି ବାମଣ୍ଡା ଠାରେ ଥିବା ମା ମାହେଶ୍ୱରୀ ଦେବୀଙ୍କ ମନ୍ଦିର ପରିସରରେ କେନ୍ଦ୍ର ଅଧିନରେ ଥିବା ୧୯ ଗୋଟି ଗ୍ରାମ ଓ ବୌଦ୍ଧ ସହରାଞ୍ଚଳର ସଦସ୍ୟ ମାନଙ୍କୁ ନେଇ ସଭାପତି ହୃଷିକେଶ ପ୍ରଧାନଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା । ସମ୍ପାଦକ ଦୀନବନ୍ଧୁ ପ୍ରଧାନ ବାର୍ଷିକ ବିବରଣୀ ପଠନ କରିଥିଲେ । ବୈଠକରେ ସମାଜର ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଥିଲା । ଏହି ଅବସରରେ ନୂତନ କର୍ମକର୍ତ୍ତା ମନୋନୀତ କରାଯାଇଥିଲା । ସଭାପତି ଗରୁଡଧ୍ୱଜ ପ୍ରଧାନ ମନୋନୀତ ହୋଇଥିବାବେଳେ ସମ୍ପାଦକ ଭାବେ କୈଳାସ ଚନ୍ଦ୍ର ବିଶି ମନୋନୀତ ହୋଇଥିଲେ । ସେହିପରି ଗିରିଜା ପ୍ରଧାନ – ଉପସଭାପତି, ଦୁର୍ଯ୍ୟୋଧନ ବିଶି – ସହ ସମ୍ପାଦକ, ସଞ୍ଜିବ କୁମାର ମହାକୁଳ – କୋଷାଧକ୍ଷ ଭାବେ ସର୍ବସମ୍ମତି କ୍ରମେ ମନୋନୀତ ହୋଇଛନ୍ତି । ପରିଚାଳନା କମିଟି ସଦସ୍ୟ ଭାବେ ସର୍ବଶ୍ରୀ ହୃଷିକେଶ ପ୍ରଧାନ, ଗୌର ପ୍ରଧାନ, ଶମ୍ଭୁ ପ୍ରସାଦ ଦେହୁରୀ, ରଘୁନାଥ କଲତା, ଦୀନେଶ ପଲିଆ, ରମେଶ ପ୍ରଧାନ ଓ ସୁନୀଲ କ୍ଷେତି ମନୋନୀତ ହୋଇଥିବା ଜଣାପଡିଛି ।