ବୌଦ୍ଧ,୨୦/୧୧- ଜିଲ୍ଲା ସମବାୟ ସଂଘ ପକ୍ଷରୁ ଆଜି ତାଳସରଡା ଠାରେ ୬୯ ତମ ଅଖିଳ ଭାରତ ସମବାୟ ସପ୍ତାହ ପାଳିତ ହୋଇଯାଇଛି । ବହିରା ସେବା ସମବାୟ ସମିତିର ସଭାପତି ପୟୋଧର ମହାକୁଡଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ସଭାରେ ସମ୍ମାନୀତ ଅତିଥି ଭାବରେ ବୌଦ୍ଧ ସେବା ସମବାୟ ସମିତିର ସଭାପତି ସତ୍ୟଜିତ କୁମାର ପଣ୍ଡା, ରକସା ସେବା ସମବାୟ ସମିତିର ସଭାପତି ଶିବଶଙ୍କର କର୍ଣ୍ଣ, ମନମୁଣ୍ଡା ସେବା ସମବାୟ ସମିତିର ସଭାପତି ଗିରିଜା ନନ୍ଦନ ଦାନୀ, ତେଲିବନ୍ଧ ସେବା ସମବାୟ ସମିତିର ସଭାପତି ତ୍ରିପୁର ମହାକୁଡ, ମନୁପାଲି ସେବା ସମବାୟ ସମିତିର ସଭାପତି ଶେଷଦେବ ସାହୁ ପ୍ରମୁଖ ମଞ୍ଚାସୀନ ଥିଲେ । ଉକ୍ତ କାର୍ଯ୍ୟକ୍ରମରେ ବୌଦ୍ଧ ଜିଲ୍ଲାର ବିଭିନ୍ନ ସେବା ସମବାୟ ସମିତିର ସଭାପତି ଓ ନିର୍ବାଚିତ ସଦସ୍ୟମାନେ ଯୋଗ ଦେଇଥିଲେ ।