ବୌଦ୍ଧ,୨/୯ – ବୌଦ୍ଧ ଜିଲ୍ଲାରେ ଆଜି ପୁଣି ୩୬ ଜଣ କରୋନା ପଜିଟିଭ ଚିହ୍ନଟ ହୋଇଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଅଛି । ଆଜି ଚିହ୍ନଟ ହୋଇଥିବା ୩୬ ଜଣଙ୍କ ମଧ୍ୟରୁ ୯ଜଣ କରୋନା ଯୋଦ୍ଧା ରହିଛନ୍ତି । ଏହି କରୋନା ଯୋଦ୍ଧାମାନେ ହେଲେ ଅଗ୍ନିଶମ ବିଭାଗର ୩ଜଣ, କୋଭିଡ ସେଣ୍ଟରରେ କାର୍ଯ୍ୟରତ ୩ଜଣ ଏଏନଏମ ଏବଂ ୩ଜଣ ସଫେଇ କର୍ମଚାରୀ । ଅନ୍ୟମାନଙ୍କ ମଧ୍ୟରେ ବୌଦ୍ଧସହରର ୧୧ ଜଣ, ପୁରୁଣାକଟକ, ମଥୁରା, ସାଂପୋଚ, ସାନବଙ୍ଗାପଡା, ଚାରିଛକ, ବାଘପାଲି, ଜହ୍ନାପଙ୍କ, ବଲାସିଙ୍ଗା, କମିରା, ସରଣ୍ଡାରୁ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଥିବାବେଳେ ପଲାସ ଗ୍ରାମରୁ ୨ଜଣ ଚିହ୍ନଟ ହୋଇଥିବା ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡା. ତ୍ରିଲୋଚନ ପ୍ରଧାନ ସୂଚନା ଦେଇଛନ୍ତି । ଆଜିର ପଜିଟିଭକୁ ମିଶାଇ ଜିଲ୍ଲାରେ କରୋନା ପଜିଟିଭ ଚିହ୍ନଟ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୬୫୪ରେ ପହଞ୍ଚିଲା । ଆଜିସୁଦ୍ଧା ୫୩୭ଜଣ ସୁସ୍ଥ ହୋଇ ଘରକୁ ଫେରିଥିବାବେଳେ ୧୧୭ଜଣ ଚିକିତ୍ସାଧୀନ ଅଛନ୍ତି । ୯୪୪ଜଣ ରିପୋର୍ଟ ଅପେକ୍ଷାରେ ରହିଛନ୍ତି ।